عرض ارادت به آستان مقدس امام حسین
.
✍️ #زبدةالاشعار ✍️
.
🆔: @nohe_torki
.
کامران
.
.
حسین آدی آجی دنیاده شربتیدی منیم
گر اوندان ایچمسم ئولّم بو عادتیمدی منیم
.
گئجه گونوز هامینی بو آدا قوناق ایدرم
بو شربت اصل و اساس ضیافتیمدی منیم
.
حسین آدی که گلر دینجلر بوتون روحیم
اونون آدی سبب استراحتیمدی منیم
.
سویوق زمانه ده که قانلار آز قالیر دونسون
ابو عشق درده دگن بیر حرارتیمدی منیم
.
بو عشقین اوستونه توز قویمییم گرک قونسون
بو عشق چون که عزیزیمدی عزّتیمدی منیم
.
حسینین اللهی چوخ گورمسین بو عشقی منه
بو عشق خوش گونه چیخماقه فرصتیمدی منیم
.
سوروشدولار که نیین وار دیدیم نییم یوخدی
حسینه قلبیده کی عشق دولتیمدی منیم
.
قوی ئوزگه زادلارا فخر ایلسینلر اؤزگه لری
بو عشق فخره بسیمدی کفایتیمدی منیم
.
قوی اوزگه لر گئده لر آیری ثروتین حسابین
عزیز فاطمه نین عشقی ثروتیمدی منیم
.
.
منی سئوَن اونی سئوماقیما گوره سئویری
اونون محّبتی رمز محبتیمدی منیم
بو عشقیم اولماسا الده بیری منی تانیماز
بو عشق الده سجیلّیم حمایتیمدی منیم
.
وطن اورادی که اوردا حسیندن دییلر
بو صحبت اولماسا هر یرده غربتیمدی منیم
.
اونا علاقه چوخالدیقجا لطف حق چوخالار
ائله علاقه بئله لطف حاجتیمدی منیم
.
اونون محبّتی روحیه نی جوان ساخلار
بو عشق آب حیات طراوتیمدی منیم
.
قیامته کیمی اوندان دئسمده آز دئمیشم
حسین آخری یوخ بیر حکایتیمدی منیم
.
اونون محبتینین سایه سینده عشق ائتماق
بو غملی غصه لی دنیاده لذتیمدی منیم
.
دییب ائشیتمسم اوندان بولون کر و لالم
بئله عیار عیار سلامتیمدی منیم
.
غریبه منظره لی باغ حُسنی واردی اونون
گزیب بو باغی دولانماق سیاحتیمدی منیم
.
نه باغ نه داغ نه چمن نه بهار نه دریا
حسینین آب و هواسی طبیعتیمدی منیم
.
خلاص ائدیر اورگی همّ و غمّ دنیادن
بو عشق روحی دیریلدن فراغتیمدی منیم
.
اورک غبارینی اشک زلالیلن سیلمک
بو پاک عشقیده رسم طهارتیمدی منیم
.
نَیه دگرم اگر عاشق اولماسام بو گله
بو ارزش اولماسا بیر صفر قیمتیمدی منیم
.
بو عشقیلن اوچارام لذّت آسمانیندا
بو عشق باعث پرواز رفعتیمدی منیم
.
فدا او عارفه که معرفتدی عشقی بوتون
حسین سئوؤمَلی پیر طریقتیمدی منیم
.
بو عشقی گون به گون آرتیرماسام زیان ائده رم
بو منفعتده قناعت خسارتیمدی منیم
.
الیم اوزولسه ده هر یردن اوزمرم الیمی
او عشقیدن که نجاته ضمانتیمدی منیم
.
حسین وارث آدم حسین وارث عشق
اونون محبّتیده ارث قسمتیمدی منیم
.
بئله بیوک گوزل اؤز محضر جلالینده
کیچیلماقیمی بَیَنسه صدارتیمدی منیم
.
کیچیلماقین دادی وار بیله بیر بیوک مرده
بئله حقارت اؤزی دادلی نعمتیمدی منیم
.
حسینه واله اولان واله جهان اولماز
اولان دئسین که بو نقص صداقتیمدی منیم
.
نگاری کیم تانیر آیری محبتی تانیماز
بو سوز بو عشقیده واضح عبارتیمدی منیم
.
بو پاک عشقه گرک قویمییم یاخین هوسی
اوزاد که عشقیده واجبدی غیر تیمدی منیم
.
حسین امانتینی ساخلیینمسم سالم
امانتینده دلیل خیانتیمدی منیم
.
چتین اَله گَلن آسان گئده بولر الدن
بو عشقین آفتی بیر لحظه غفلتیمدی منیم
.
بو گنجی تاپماق اونی ساخلاماقدان آساندی
گئجه گونوز اونا لازم حفاظتیمدی منیم
.
حسین عشقینی حفظ ایلمک چیخار ایستر
اوزاد که مندن او ایستیر لیاقتیمدی منیم
.
لیاقت اولماسا الده گیدر بو عشق الدن
اونوندا گئتمه سی کوچ سعادتیمدی منیم
.
بو پرتگاهیدن الله منی اوزاق ساخلا
بو پرتگاه مکان هلاکتیمدی منیم
.
دوشم اگر بئله عشقین گوزوندن اوللام کور
بو عشق گوز ایشیقیمدی بصیرتیمدی منیم
.
خدا مدد ائله کفران نعمت ایلمییم
گر ایلسم یازیق اولماق غرامتیمدی منیم
.
بو عزتی اگر ئولدورسه غفلتیم ای وای
وفات عزّت، میلاد ذلتیمدی منیم
.
خدا حسینه سنی آند وئرّم الدن توت
ایاق زویولدَسَه کفّاره خفّتیمدی منیم
.
کمک ائله که وصال حسینه لایق اولوم
جهاندان اوندا که وقت عزیمتیمدی منیم
.
ئولن گئجه اونی گورسم منه تولّد اولار
بئله گئجه تازا روز ولادتیمدی منیم
.
زیارت ائتسم اونی جان وئرنده گر دییرم
بو هر زیارته سرور زیارتیمدی منیم
.
بو فیضه چاتسا اگر «کامران» دییر یارب
بو فیض کامران اولماقه علّتیمدی منیم
.
.
#حسینیه_کامران_اسدی_حقایق
#حسینیه_مدح
#حسین_آدی_آجی_دنیاده_شربتیدی_منیم
#ترکی
.
✍️ #زبدةالاشعار ✍️
.
🆔: @nohe_torki
نظر دهید