سوزوگداز حضرت لیلا (س) بر بالین فرزند
.
✍️ #زبدةالاشعار ✍️
.
🆔: @nohe_torki
.
مرحوم یحیوی اردبیلی
.
نیه دانیشمیوسان منله شاهزاده على
تفاخریم سنیدون خویش و اقرباده على
او قانلو گوزلروی آچ گوروم جداده على
آنووا باخ نجه گور غرق اولوب بلاده على
گلوب اورکده غمیم جوشه فوق العاده على
.
.
دانش منیله دانش آللهون رضاسینه
دانشماقون اولا درمان اورک یاراسینه
گوروم که قاتلون حسرت قالا بالاسینه
یارالی باشووی منقذ ووروب جداسینه
جدا باشیندا اولوب غنچه گل گشاده على
.
.
گوزومی سالدی ایشقدان او قان دوتان گوزلر
بیری بیرینه بالا چسب اولوبدو کیپریکلر
تعجبم نیه ئولمز آنان علی اکبر
قونوبدو توز بلنوب شانه ووردوقوم زلفلر
دارامشام اونی تک دشت نینواده على
.
.
من آغلیاندا سسیمه صدا وئرور نی لر
بو درد بسدی منه من أوغولسوزام دِئ لر
او قدری آغلیورام آغلیاندا اینجوللر
وورار ووراندا سنی قاتل افتخار ایلر
دییَر سوسوز بو باشی کسمیشم مناده على
.
.
او قانلو کاکل على تئل به تئل ووروب دوره
سولان جمالوه قانون بزک ووروب دوره
بی بون باجون هامی قاره لچک ووروب دوره
جداده قانلو باشون چتر تک ووروب دوره
سالوبدی سایه یتوب دشمنون مراده على
.
.
دالونجا من گلورم یولدا بو تمنایه
آنون حساب ائلمه فرض ائله منی دایه
آچوب گوزون نظر ائت بخت قاره لیلایه
او باشی بسله میشم باشیمه سالا سایه
چه فائده ائلیور قاتل استفاده على
.
.
مگر دؤزردیم على قانه کاکلون بویانا
یاتاندا دینمزیدیم شامدا اکبریم اویانا
ئولن ئولوبدی قالور غملرون چوخی قالانا
جوان بالاسی ئوله دفن قیلمیا بیر آنا
نه نوعی سالماز اونی هر دقیقه یاده على
.
.
علی، ایگید بیر اوغولسان، شرف نشانه سی سن
خدای لم یزلین، شعر عاشقانه سی سن
گئجه گوندوز آتاوون ذکری سن ترانه سی سن
و بیرده #یحیوی نین عشق عارفانه سی سن
سنون کیمین ایگید اولمازدی ماسواده على
.
.
#اکبریه_یحیوی_اردبیلی
#اکبریه_شهادت
#نیه_دانیشمیوسان_منله_شاهزاده_على
#ترکی
.
✍️ #زبدةالاشعار ✍️
.
🆔: @nohe_torki
نظر دهید