#ورود_شام – #مجلس_یزید
.
✍️ زبدة الاشعار ✍️
.
?: @nohe_torki
.
محمد هدایتی تبریزی
.
دل شعله وردی مَظلم حکّام شامدن
جان تنگه دوشدی ظلمت و ابرام شامدن
.
راوی سوروشدی سیّد سجّاددن آقا
سخت اولدی هانسی مرحله سرسام شامدن
.
دگدی درر نثار دوداقلار بیری بیره
یاندیم بویوردی اوچ دفعه آلام شامدن
.
شامین مصیبتین نه بیانیله شرح ایدیم
وار نفرتیم سخن گتیرم نام شامدن
.
آل اللهین ئورک دولی قان گوزلر اشکریز
مست اهل شام شوم ولی جام شامدن
.
خواهش ایدیبدی دخت علی شمر دون دن
فرمانده سپاه بد انجام شامدن
.
بیزدن آرالی حمل ایلین قانلی باشلاری
باشلار نگاهی جلب ایده خودکام شامدن
.
انظاردن اماندا قالا آل مصطفی
ایمن اولاخ نظارت بد نام شامدن
.
هر محملین قاباقنا ووردوری بیر باشی
تار اولدی اهل بیته گون اهمام شامدن
.
بعضی ایدردی طعن و شماتت گوله گوله
بعضی آتاردی داش اولارا بام شامدن
.
بعضی دیردی خارجی دی بو اسیرلر
دوشموش اسارته بیله فرجام شامدن
.
بعضی چالاردی بربط و بعضی سی ساز و چنگ
گویا حرام ، حلال اولوب احکام شامدن
.
عورتلر اوینویاردی هره بیر نوائیله
ظاهر اولور گناه امم خام شامدن
.
عورت لرینده شرم و حیادن یوخ هئچ اثر
هر ناروا گنه وئریر ئوز مام شامدن
.
آل امیّه حاکم اولان یر اولار بیله
هئچ بیر شکاره یوخدی امان دام شامدن
.
کام عیال فاطمه نی تلخکام ایدیب
خوشدور یزید کامی ولی کام شامدن
.
آل اللهین گوزونده گونوز تیره تار اولوب
قاره گئیب هوا ، قارادور شام شامدن
.
فخریله نیزه دار هره بیر نوع آت اوینادیر
گوزیاشی قاندی منظر ظلّام شامدن
.
باشلار دوشردی تپراقا آت اوینادان زمان
هنگامه لر قوپاردی او هنگام شامدن
.
زجّه چکردی آل علی گوزده گوز یاشی
باشلار گورردی صدمه لر احشام شامدن
.
(لحظه به لحظه حالت شهر اولدی ناگوار)
(بیر بی حیا جماعت آرا ایلیردی جار)
.
ای شامین اهلی دقّتیلن ایلین نظر
آگاه اولون کی بو اسرا خارجی دیلر
.
چون خارجی بیلب هامی ایتدی جفاسنی
خوار اولمادی ندندی بو دنیای فتنه گر
.
بی جرم و بی گنه اولونوب سنگسار اولار
حتّی سوزون دانشماقا فضل اهلی شرم ایدر
.
گزدیردیلر اسیرلری شامی کو به کو
تا کی یهودی کوینه چاتدی او قوم شر
.
دوندی شعار ، عوض اولونوب طرز گفتگو
قوم یهودی ایتدی مخاطب او بد سیر
.
سسلندی کی علی بالالارین گتیرمشیخ
خیبردن انتقام آلان آلسین بو مختصر
.
تا بو شعاری اهل یهود استماء ایدیب
بام اوسته الده داشلاری فی الفور گلدیلر
.
بعضی داش آتدی بعضی سی اود توکدی باشلارا
اوجه یتشدی ظلم و ستم داد و الحذر
.
دوشدی بیر اود دا سیّد سجّاد باشنه
یاندی عمامه باشنه ده ایلدی اثر
.
زینب بو حالی گورسه تحمّل ایدر نجه
چاره نه ایله سین او بلاکش ، او خونجگر
.
سسلندی الله حفظ ایله اوددان بالام یانیر
فریاده سن ئوزون یئتش ای حیّ دادگر
.
بازار برده گانه دولاندیردیلار یولی
ایوای منه نه سوزدی بو کی ثبت ایدیب خبر
.
بازار بردگان هارا آل رسول هارا
نه نقشه دور بو نقشه کی شام اهلی چکدیلر
.
آل پیمبری کیمیدی ایستدی ساتا
دوشدی یارالی قلب لره تازه دن شرر
.
سوزدن گئچیم اشاره سی کافی دی عارفه
گوز یاشی قان اولار بو محنده ئورک اسر
.
یابن الحسن ئوزون بولوسن عمّه وین غمین
بو محنت گرانه نجه بیر خانم دؤزر
.
قصر یزیده ساری چکلدی قطار غم
باغلاندی بیر ایپه اسرا اهلی سربسر
.
قصره بزک وورولدی محیّای جشن اولوب
مهمانلار ئوز یرینده گلیب اولدی مستقر
.
باغلادیلار بویون بویونا آل عصمتی
عرشه اوجالدی آه جگر سوز و ذوالاثر
.
بزم یزیده چکمه (هدایت) سوزی دایان
قوی خیزران سوزی قالا پوشیده بیر قدر
.
#دل_شعله_وردی_مظلم_حکام_شامدن
#هدایت_تبریزی
#ترکی
.
✍️ #زبدةالاشعار✍️
.
?: @nohe_torki
نظر دهید