دل یاره سی باغرین ایلین قان بالا لایلای #حضرت_رقیه_حسینی_زنجانی

زبانحال حضرت زینب کبری در شهادت حضرت رقیه (س)
..
..
..
..
حسینی زنجانی
..
..
..
..
دل یاره سی باغرین ایلین قان بالا لایلای
ویرانه بوجاقینده ویرن جان بالا لایلای
..
..
..
..
حصّه ن بو فنا دهریدن افسوس غم اولدی
بو شامه گلن گوندن انیسون الم اولدی
چوخ دردیله ، عمرون ولی صد حیف کم اولدى
آز سنّیله اندوهی فراوان بالا لایلای
..
..
..
..
باجادی گوزوم یاشی دونه بارش ابره
آهیم وورا آتش یری وار خرمن صبره
قویدوم اوز الیمله بالامی خانۀ قبره
تیرغم ایدوب قلبیمی شان شان بالا لایلای
..
..
..
..
ویرانه نی ایتدین نچه گون جبریله مسکن
اولموب بالا ویرانه ده حتّی گنه مأمن
آخرده اولوب کنج خرابه سنه مدفن
اولدی وطنین گوشۀ زندان بالا لایلای
..
..
..
..
سالدون منی گوزدن بالا آخر هارا گیتدین
اولدی ایاقون تک ئورگینده پارا گیتدین
قبره بالا آق اولمادی گیدین قارا گیتدین
اولسون بو فنا عالمی ویران بالا لایلای
..
..
..
..
هجر آتشینه شامیده سندن صورا یانّام
اشگ غم و اندوه مصیبتله بویانّام
قبرون باشینا اللری قوینوندا دولانّام
هر دم دیرم بلبل خوشخوان بالا لایلای
..
..
..
..
یانّام بالا یادیمه دوشن وقته نگاهون
گل تک سارالوب سولموشیدی عارض ماهون
اولموبدی وورام شانه هورم زلف سیاهون
تاپموبدی بی بون دردیوه درمان بالا لایلای
..
..
..
..
نه گلدی وفا رختینی تندن بیله سویدون
اوز همسفریندن بالا بو تیزلیگه دویدون
سالدین نظروندن منی تنها نیه قویدون
عمّه ن ایلدین زار و پریشان بالا لایلای
..
..
..
..
صبح اولدوزی تک شامیده آخر بالا باتدین
توپراقلارون آلتندا گیدوب قبریده یاتدین
دینجلدین اوزون لیک گوزوندن منی آتدین
وار حقّیم ایدم روز و شب افغان بالا لایلای
..
..
..
..
آرامگهون شامیده باغ عدن اولسون
آباد اولوب اطرافی گل اولسون چمن اولسون
دور حرمون لاله آچوب یاسمن اولسون
اولسون حرمین صحن گلستان بالا لایلای
..
..
..
..
#حضرت_رقیه #حسینی_زنجانی #حضرت_رقیه_شهادت #ترکی #زبدةالاشعار