حسینون عشقی
.
✍️ #زبدةالاشعار ✍️
.
🆔: @nohe_torki
.
تیموری اردبیلی
.
دنیایه سالدی غوغا مولاحسینون عشقی
عشق عالمی یاراتدی غوغاحسینون عشقی
.
عشّاق بی بدیلین قلبینده رگلرینده
جوش ایلیر همیشه مولا حسینون عشقی
.
قیلسون نظر بو امره حقّ وحقیقت اوسته
اولماز دوز آشنایه رویا حسینون عشقی
.
گل سنده بزم عشقه نوش ایله شهد نابی
اولسون الونده جام صهبا حسینون عشقی
.
آل درس اعتقادی دانشگه شرفدن
ائتسون سنی خبیر و دانا حسینون عشقی
.
عاشق کی صادق اولدی درک ایلیر معادی
ایلر یقین بصیروبینا حسینون عشقی
.
جانانی تک جهاندا سالماز بیرین نظردن
مست ایلیر جهانی جاناحسینون عشقی
.
وصلت خیالی اولسا هرقطره ی نفیسین
کم کم ائدر کمالین دریا حسینون عشقی
.
فخر ایلیر ملائک بوعشق بی بدیله
کون ومکانه اولدی مبنی حسینون عشقی
.
مبنای قلب خلقت صدق وصداقت ایستر
قلب قسی ده اولماز پیداحسینون عشقی
.
دنیا گوروب چوخ عشقی پاینده قالمیوبدور
مین دورت یوز ایلدی قالموش تنها حسینون عشقی
.
دنیانی قویدی حیران عشق عالمینده حقّا
عرفانه وئردی الحقّ معنا حسینون عشقی
.
دشت غم وبلاده خوار ایلدی نچونکه
حقّ اوسته اهل ظلمی آقا حسینون عشقی
.
ظلمین برابرینده جاندان کئچوب دایاندی
اهل یقینه وئردی فتوا حسینون عشقی
.
گفتار نغزی امّا دنیایه وئردی اخطار
حکم خدانی ائتدی اجرا حسینون عشقی
.
جان بذل ائدوب نگاره عاشق چاتوب وصاله
سالمیش جهانه شور وغوغاحسینون عشقی
.
قیلدی نماز عشقی مقتلده قان ایچینده
وئردی جهانه درس تقوا حسینون عشقی
.
باخ شور وحال عشقه عاشور نینواده
ائتمیش جهانِ عشقی شیداحسینون عشقی
.
صحرای کربلاده ایستی هواده عطشان
دین رسولی ائتدی احیا حسینون عشقی
.
تیموری نین جزاده پرونده ی کمالین
واردوریقین کی ایلرامضا حسینون عشقی
.
#حسینیه_علی_تیموری
#حسینیه_مدح
#دنیایه_سالدی_غوغا_مولا_حسینون_عشقی
#ترکی
.
✍️ #زبدةالاشعار ✍️
.
🆔: @nohe_torki
نظر دهید