بو آین حال و هواسی بو آین عشق و صفاسی

ماه محرم
.
✍ زبدة الاشعار ✍
.
🆔:: @nohe_torki

#سبک_سرو_قامتلر_ایچینده
.
محمد علی مصیبی تبریزی
.
.
بو آین حال و هواسی بو آین عشق و صفاسی
بو آین سوز و نواسی نه گوزلدی نه گوزلدی
غم و اندوه و عزاسی پوزولان غنچۀ یاسی
آچیلان قاره لواسی نه گوزلدی نه گوزلدی
مظلوم حسین …
.
.
.
.
یازان الواحه قلملر جوشولان سینه ده غم لر
اَسیلن قاره علملر نه گوزلدی نه گوزلدی
آلیشان غصه لی گوزلر بلشن ماتمه سوزلر
قره کوینک قره معجر نه گوزلدی نه گوزلدی
مظلوم حسین …
.
.
.
.
بو آین شور و لهیبی بو آین حزن غریبی
بو آین عَمّ یُجیبی نه گوزلدی نه گوزلدی
ئورگین داد و فغانی فلکین بغض نهانی
ملکین اشک روانی نه گوزلدی نه گوزلدی
مظلوم حسین …
.
.
.
.
بو آین رسم و سیاقی شفقی یا کی غساقی
گونشی یا کی محاقی نه گوزلدی نه گوزلدی
گوزل آمال و وثاقی صودامر تشنه قوناقی
سووا حسرتلی دوداقی نه گوزلدی نه گوزلدی
مظلوم حسین …
.
.
.
.
بو آین قصۀ آبی ، سو اولان یئرده سرابی
ایچیلن بادۀ نابی نه گوزلدی نه گوزلدی
گویونون اشک سحابی یرینون فرش و حجابی
گونشین قانلی خضابی نه گوزلدی نه گوزلدی
مظلوم حسین …
.
.
.
.
بو آین صوم و نمازی بو آین راز و نیازی
ئورگین سوز و گدازی نه گوزلدی نه گوزلدی
آچیلان صوت حجازی کی حقیقت نه مجازی
کسیلن قانلی بوغازی نه گوزلدی نه گوزلدی
مظلوم حسین …
.
.
.
.
بو آین شاه شهیدی او شهین رزم وحیدی
غضبی بیم و امیدی نه گوزلدی نه گوزلدی
او چوخوریئرده وقاری یارالی قانلی عذاری
حرمی ، صحن و مزاری نه گوزلدی نه گوزلدی
مظلوم حسین …
.
.
.
.
دوشه گر قلبیمه یاره دگه اول یاره دوباره
آقام ائتسه اونا چاره نه گوزلدی نه گوزلدی
جان وئرن ده منِ خسته اوچتین دمده نفسده
گله مولا باشیم اوسته نه گوزلدی نه گوزلدی
مظلوم حسین …
.
.
#ورود_محرم #مصیبی_تبریزی
#بو_آین_حال_و_هواسی_بو_آین_عشق_و_صفاسی
#ترکی
.
✍ زبدة الاشعار ✍
.
🆔:: @nohe_torki