زبدةالاشعار

دوشدی ناقه دن قیزون گئتدی کاروان بابا #راه_شام #احد_واحدی_زاده

راه شام
از ناقه افتادن حضرت رقیه
.
✍️ #زبدةالاشعار ✍️
.
🆔: @nohe_torki
.
#سبک_مسلمون_شهادتی … 5 سبک ( زنجیر تک ضرب ، سه ضرب ، جوشی … سینه زنی )
مشابه
.
احد واحدی زاده
.
دوشدی ناقه دن قیزون، گئتدی کاروان بابا
قورخورام بو چولده من، گئتمه بیر دایان بابا
.
.
سالدی گوزدن عمّه لر بیلمورم ندن منی
قالمیشام بو چولده تک یوخدی بیر گزن منی
آغلیاندا من سنه ویردی هر گلن منی
تیر غصّه لر ائدوب قدّیمی کمان بابا
.
.
آیدا چیخمیور هوا قاره دور یازیم کیمی
یوخدور اکبریم چکه دردیمی نازیم کیمی
سولدى گوللریم منیم تئز سولان یازیم کیمی
توش ائدوبدی قلبیمی درد بی امان بابا
.
.
فرصتی فلک وئروب بو گروه دشمنه
یولدا قمچی چوخ ویروب شمر بی حیا منه
داش دیبینده ساخلیام دیده تر عزا سنه
قویدی چولده تک منی گئتدی کاروان بابا
.
.
پارچالاندی ظلمیلن یاره لی ایاقلاریم
قورخودان اسور منیم خشک اولان دوداقلاریم
ضرب سیلی دن بابا نیلی دور یایاقلاریم
وار جوان ننم کیمین گوزلریمده قان بابا
.
.
هر قرالتی ایلیور چولده نیمه جان منی
سن ئوزون هرایه گل قویما باغریقان منی
زجر گلسه قورخورام ئولدورر اینان منی
اول سببدن اولموشام ایندی باغریقان بابا
.
.
قمچی لر یوروب منی دیلده یوخ توان بابا
یوزده سیلی نون یری هم ایاقلاریم یارا
یوردومی ایتیرمیشم بیلمورم گئدیم هارا
یوخدی بیر یانان منه ایلورم فغان بابا
.
.
هاردا قالمیش اکبریم یوزده گوز یاشیم سیله
کاش بابا عَموم گله بوردا حالیمی بیله
زجر گلسه نیلرم آلسا قمچی سین اله
لااقل اولیدی کاش قاسم جوان بابا
.
.
قورخولی بو چولده من ایلدیم حزین نوا
توش اولاندا هر غمه آغلادیم یانا یانا
گلدی دادیمه منیم فاطمه آنام بابا
گل قوجاقیمه دئدی ای عزیز جان بابا
.
.
قوی دیوم نشانه سین وار یری نوا ائدم
آغدی زلفی یوزده وار سیلی ردّی قدى خم
گوزدن اوخشیور سنه هم منه جوان ننم
نیلی دی گوزل یوزی وار گوزونده قان بابا
.
.
زجریدن سوز آشجاقین آغلادی بویوک ننم
آهیله بو قلبیمی داغلادی بویوک ننم
هم ایاق قابارلارین باغلادی بویوک ننم
سویلدی اورک دولار سن دیینده جان بابا
.
.
باغلانوب طنابیلن قوللاروندا وار یارا
کیم ویروبدی گول یوزه سیلی قلبی اوتلاتا
سیلی زحمتین بیلور فاطمه ننون بالا
منده سسلدیم او گون تک منی قویان بابا
.
.
اولما ناگران دئدی آغلادی یوموب گوزون
قویدی بو سولان یوزه آهیله سولان یوزون
وئردی چون اورک ننم باشلادیم اورک سوزون
تک سنون یروندی بوش باشی ذبح اولان بابا
.
.
#راه_شام #احد_واحدی_زاده
#دوشدی_ناقه_دن_قیزون_گئتدی_کاروان_بابا
#ترکی
.
✍️ #زبدةالاشعار ✍️
.
🆔: @nohe_torki

این متن را هم بخوانید:  دوشدی خیالیمه گنه بیر غملی ماجرا #حضرت_رقیه #خدانواز

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی