دگوبدی پیکریمه تازیانه بس قارداش #حضرت_رقیه_فصیحی

زبانحال حضرت رقیه سلام الله علیها
..
..
..
..
فصیحی زاد
تضمین از مرحوم حسینی سعدی زمان
..
..
..
..
دگوبدی پیکریمه تازیانه بس قارداش
روان اولور گوزومون یاشی چون ارس قارداش
یولووی گوزلیورم گلمگه تلس قارداش
«خرابه ده منه یوخ کیمسه دادرس قارداش
وئره فغانه گلنده سسیمه سس قارداش »
..
..
..
..
اسیر ائدوب ستمیله باجوی وحشی عرب
حقیقت اهلینه ظلم ایلیور بو اهل غضب
نه داده سن گلوسن نه آتام نه اولدی سبب
«انیس و مونسیم آه سحردی نالۀ شب
منه خیالون اولوب یاخشی همنفس قارداش »
..
..
..
..
چوخ ایستورم سنی دنیاده من اولان گوندن
عزیزه ساخلاموسان سن منی همان گوندن
بلایه دوشمیشم ایندی امان یامان گوندن
«مگر یوخوندی خبر سندن آیریلان گوندن
اوچوبدی روح قالوب بیر قوری قفس قارداش »
..
..
..
..
منی گل آتما علی چیخما سن بو بیر سؤزدن
دیوم اورک سوزومی تا گئجیله گوندوزدن
باجون بیلورسن اوزون دویمیوب او گل اوزدن
«کسوب علاقه وی سالدون منی نه تئز گوزدن
دیین کیم اولدی باجوندان علاقه کس قارداش »
..
..
..
..
گلنده شامه بو شام اهلى ال چالوب سنسیز
قرار و طاقتیمی قلبیدن آلوب سنسیز
قسم عزیز جانووا جانه اوت سالوب سنسیز
«باشیم اوجالیقی باشیم آچوق قالوب سنسیز
باشیما سایه سالان یوخدی بیرجه کس قارداش »
..
..
..
..
بو آز سنّیله وار دلده چوخ غمیم محنیم
اوزوم آدامسیزام اکبر بو یر دگول وطنیم
خرابه ده ئولورم باری گل گتور کفنیم
«دونوب خزانه بهاریم سولوب گلیم چمنیم
آلوبدی دوره می بی رحم خار و خس قارداش »
..
..
..
..
گئجه گونوز آدوی دلده ائتمیشم ازبر
علی علی دیورم گوزلریمده اشگ بصر
باخاندا حالیمه هر ملّت اولسا رحم ایلر
«یزیده نالّ شبگیریم ایلیوبدی اثر
قویوب خرابه ده اطرافیمه عسس قارداش »
..
..
..
..
بیبیمله نهضت دینه شراکت ایلمیشم
اوزومی وارث تخت امامت ایلمیشم
جفایه تاب ائلیوب استقامت ایلمیشم
«گلنده شامه دؤگولماقه عادت ایلمیشم
زبس ویروبدی منی زادۀ اَنَس قارداش »
..
..
..
..
سنیق کجاوه ده گاهی قولومی باغلاردی
ویراردی باشیمه قمچی دلیمی داغلاردی
غذاده وئرمزیدی یولدا آج ساخلاردی
«من آغلیاندا قطاریله ناقه آغلاردی
وئرردی ناله مه سس دمبدم جرس قارداش »
..
..
..
..
او ظلم قالمادی حقیمده ایلدی علنی
ترحّم ائتمدی قارداش او نابکار دنی
گهی آتامی چاغوردوم هرایه گاهی سنی
«اولوردی ملتمس عمّه م که دؤگمه سونله منی
یاناردی ملتمس آغلاردی ملتمس قارداش »
..
..
..
..
«فصیحی» حاجتی وار دردی بینهایتدور
او دردیدن هدفی قلبیده بو نیّتدور
اولاندا روز جزا حاجتی شفاعتدور
«حسینی باطناً عنقای قاف وحدتدور
گوروله خلق ولی ظاهراً مگس قارداش»
..
..
..
#حضرت_رقیه #فصیحی #حضرت_رقیه_شهادت #ترکی #زبدةالاشعار #سعدی_زمان #حضرت_رقیه_سعدی_زمان