زبدةالاشعار

هر یرده وار نگار دل بیقرار وار #رضویه_مهدی_فعال

به بهانۀ میلاد امام هشتم سلام الله علیه
.
.
.
مهدی فعال
.
هر یرده وار نگار؛ دل بیقرار وار
هریرده وار کریم؛ گدا بیشمار وار
.
هر یرده که جماعت ائدوب اوردا ازدحام
حتماً او یرده گورملی بیر گلعذار وار
.
موسی دخیل موسیِ آلِ علی اولوب
چون طور مرتضاده بو گون نور یار وار
.
گلشن اولوب زمانه بوگون؛ چون مدینه ده.
عطر بهار هشتمِ هشت و چهار وار
.
موسی بن جعفرین قاپوسیندا ندور خبر؟
سائل دولوب؛ شلوغی روز شمار وار
.
به به بو طفله قاشلارینون مدّینه باخون
گویا علی بئلینده دو دَم ذوالفقار وار
.
معلومیدور گؤزینده عطوفت ظهور ائدوب
لعل لبینده باغ کرم وار؛ بهاروار
.
.
بیرگون گلر که عالم اولار عشقینه دچار
ایراندا فاطمه قاپوسین عالمه آچار
.
.
.
ای خادم رضا گؤیول ائتموش سفر گلور
آچ باب عشقی گور نقدر دربدر گلور
.
زوّار کعبه چوخدی ولی اول جماعتی
ائتسن قیاس؛ بوردا بیره مین نفر گلور
.
بوحضرت رضادی بونون خاکبوسینه
شیعه لر ئوز یرینده که نصرانی لر گلور
.
جبریل او روحِ قدس گهرشاد صحنینه
هر دفعه که گئدور؛ اتگینده گهر گلور
.
دربار شاهدور بو حرم؛ اُجرت آلماقا
نوکرلر ایلده آخر ماه صفر گلور
.
هرکیم مریضی پنجره فولاده باغلی دی
آخشام گئدور؛ امیدیله بیرده سحر گلور
.
لطف ایله ای رئوف آقا چون آستانه وه
آلچاق اوجا؛ جوان قوجا؛ زیر و زبَر گلور
.
.
من نوکرم بالالاریوا خانه زادیوم
قلاده مه ویر آدیمی:عبدالجوادیوم
.
.
.
ای باب عشقی باب کرم یا امامْ رضا
دوت اللریم؛ شکسته پرم یا امامْ رضا
.
مدیونِ لطفیوم منی سن آدم ایلدون
لطفون قییتسه نیلیرم یا امامْ رضا؟
.
عشقون منی گتوردی ون چوخ اوزاخدادی
هر ایل بو یوللاری گلرم یا امامْ رضا
.
مردم دیور امام رضادن نه ایستوسن؟
سندن سنی من ایستیورم یا امامْ رضا
.
من هامیدان امید کسوب گلمیشم بورا
سنده که باخماسان ئولرم یا امامْ رضا
.
بیربیله هانکی پادشهین واردی رعیتی؟
تک سنده وار بو عالی حرم یا امامْ رضا
.
غم غصه لر یانوندا یادیمدان چیخور منیم
سندن حیا ائدور خودِ غم یا امامْ رضا
.
.
وقف اولدی دل محبتیوه یا أبالحسن
” قربان اولوم جلالتیوه یا أبالحسن ”
.
.
.
کویونده دل بیرعالمه لطف و صفا تاپور
گردوغبار ایچینده گوزیم کیمیا تاپور
.
صحن بهشت جامعه دور صحن جامعه ن
انسان گیرنده صحنیوه روحی جلا تاپور
.
هردم ئوزی مسیحِ طبیب اولسا گر مریض
سقّاخانا سوویندان ایچنده شفا تاپور
.
عالم لر علمین عالم آل نبی وئرر
بوردا ییخیلسا شیخ بهایی؛ بها تاپور
.
سنسن انیس و مونس مَن لا أنیسَ لَه
سایه نده قلبی خسته ده حال دعا تاپور
.
بوردا فقط غریب رضادور که هر گلن
بیر یول دولانسا صحنیده مین آشنا تاپور
.
حتماً حسین فاطمه چوخ مشهده گلور
بوردا مشامیم عطر خوش کربلا تاپور
.
.
گلدیم برات کرببلامی آلام گئدم
بیر نچه گون یانوندا رضاجان؛قالام گئدم…
.
.
#رضویه_مدح
#رضویه_میلادیه
#هر_یرده_وار_نگار_دل_بیقرار_وار
#مهدی_فعال
#ترکی
#زبدةالاشعار

متن پیشنهادی:  بابا وی ایله دعا قانلی بیابانه گئدر #خروج_مدینه_بیضا_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی