استیذان حضرت قاسم علیه السلام از حضرت سید الشهداء علیه السلام
..
..
..
..
..
مرحوم صافی تبریزی
..
..
..
..
..
دیمم جانانه قربانم عمو جان
اونا قربانه قربانم عمو جان
..
..
..
..
..
آتامدان واردی بو فرمان آلیمده
اولوب ئوز قتلیمه عنوان الیمده
اودور گلدیم بو نقد جان الیمده
او حُکمه منده قربانم عمو جان
..
..
..
..
..
عمو جان دل وئروب یتمیش ایکی جان
اولا جانان یولوندا تشنه قربان
او جانلاردان که ایلوب عهد و پیمان
بولورسن منه بیر جانم عمو جان
..
..
..
..
..
دیمه لب تشنۀ آب زُلالم
وفا بزمینده من بیر اهل حالم
گهی پروانۀ بزم وصالم
گهی شمع شبستانم عمو جان
..
..
..
..
..
عمو من ایسترم بوندان بویانه
ره جاناندا هر بیر نوجوانه
بو ناکام اولماقا بولسون زمانه
وفا لوحینده عنوانم عمو جان
..
..
..
..
..
آنام یانموش اورکدن رُخصت آلدى
ئوری بو خلعتی بوینوما سالدى
داخی من بولمورم نه حاله قالدى
اونی بولموشدی عطشانم عمو جان
..
..
..
..
..
عمو بیر عده اهل راز و خلوت
اولوب بزم وصال یاره دعوت
بولورسن ای وجودی فیض و رحمت
او بزمه منده مهمانم عمو جان
..
..
..
..
..
منی قویما گلوم چوخ آه و زاره
اجازه وئر گیدوم بو کارزاره
مریض عشقه یوخ جز مرگ چاره
ندیم محتاج درمانم عمو جان
..
..
..
..
..
بولورسن ای شه گردون جلالت
بو حالون ایلیوب تاراج طاقت
منی قان آغلادور شوق شهادت
نجه گور دیده گریانم عمو جان
..
..
..
..
..
دوشه جسمیم بو میدان ایچره خوشدور
بو شیوه اهل عرفان ایچره خوشدور
آنامین زُلفی تک قان ایچره خوشدور
گورم افتان و خیزانم عمو جان
..
..
..
..
..
عمو سرّ نهانیم اولمیوب فاش
بویانسا راضیم قانه بو گوز قاش
بو گونده ایلرم بو باشی شاباش
نه یالقیز گوهر افشانم عمو جان
..
..
..
..
..
سالوب «صافی» باشا شوق زیارت
قالوب طوی حجله مه مدتدی حسرت
اونا هم حاضرینه ایله قسمت
دیور منده ثناخوانم عمو جان
..
..
..
..
..
دیمم جانانه قربانم عمو جان #قاسمیه_صافی_تبریزی
نظر دهید