اربعین
وداع از کربلا و بازگشت به مدینه
. .
..
تیموری اردبیلی
..
..
سرزمین عشقی ترک ائتدی قطاری زینبون
قالدی دشت نینواده شهریاری زینبون
..
آیریلانموردی او پوزقون قبریدن یورقون باجی
تنگه دوشدی آیریلاندا روزگاری زینبون
..
قیلدی فرمایش باجون قربان نجه سن سیز گئدوم
کربلادن یثربه ای دوستداری زینبون
..
سن منه عشق عالمینده عهده داریدون حسین
دور باجون قربان گئدور غملی قطاری زینبون
..
قبرووی ترک ایلورم،گر ئولمسم گللم حسین
عفو ائله غمخوارووی ای غمگساری زینبون
..
آغلارام صبح و مسا دلدن او سایسیز یارووه
دلده سن تک قالدی درد بی شماری زینبون
..
گر یتیشسه کاروانیم یثربه دل داغلارام
چونکه اللرده ئولوب صاحب وقاری زینبون
..
یثربون حال وهواسی زینبه زندان اولار
چون واریدی بیر گون اوردا اقتداری زینبون
..
قیرخ گونون عرضینده قارداش آیری حاله قالموشام
تار اولوبدی گوزلرینده روزگاری زینبون
..
یانسا کیم عشق عالمینده آتش اندوهیله
لطف بی حدّ ایلییر پروردگاری زینبون
..
آغلیاندا صدقیلن جان سسلیر زهرا آنام
آغلادار اهل دلی آموزگاری زینبون
..
الغرض چاتدی مدینه شهرینه اول کاروان
پیشوازه چیخدی چشمِ انتظاری زینبون
..
آلدیلار دورین خانملار آغلادی ام البنین
قیلدی فرمایش هانی بس شهریاری زینبون
..
سسلدی ایوای منه ایل وتباریم بس هانی
گلمیوبدور هاردا قالدی جان نثاری زینبون
..
باخدی پوزقون کاروانه یوخ گوروب بیر نازلی قیز
هاردا قالدی بس دئدی اول بی قراری زینبون
..
سیل تک توکدی یوزه گوز یاشینی دخت بتول
ئولدی اللرده بویوردی تاجداری زینبون
..
دوشدی نهرین اوسته تندن قوللاری عباسیمون
گئتدی الدن دشت غمده اختیاری زینبون
..
غصّه مرگ اولدی ننه ئولدی بالام ویرانه ده
قالدی شهر شامیده یورقون نگاری زینبون
..
آغلا سنده ای قلم طبعیم کیمین اشعاریمه
ائتمدی چونکه بوغمده کیمسه یاری زینبون
..
آغلاسا عشق عالمینده کیم حسینون حالینه
آند اولا اللهه اولماز شرمساری زینبون
..
..
#اربعین #علی_تیموری #اربعین_وداع #ترکی #زبدةالاشعار #ورود_مدینه #ورود_مدینه_علی_تیموری
نظر دهید