حضرت صغری (س) در مدینه
..
..
..
..
علومی تبریزی
..
..
..
..
دیولر جده جان اکبر گلور شاد اولمیوم نیلیوم
آچون گهوارنی اصغر گلور شاد اولمیوم نیلیوم
..
..
..
..
غمیم پایانه یتدی دیده خونبار اولمارام بیرده
یوزین گورّم وفالی عمه مین زار اولمارام بیرده
ایاقه دورّام اکبر گلسه بیمار اولمارام بیرده
مشامه عطر جان پرور گلور شاد اولمیوم نیلیوم
..
..
..
..
دوروب بو بستریمدن عشرت آغاز ایلیم خوشدی
اگر چه باجیم قارداشما ناز ایلیم خوشدی
ولی لازمدی قارداشیمی پیشواز ایلیم خوشدی
اوزاق یولدان او گل پیکر گلور شاد اولمیوم نیلیوم
..
..
..
..
سزادی اوزلوقومدان گر چخام برپا ایدم عشرت
قورام بزم ضیافت ایلیم خویش ایلی دعوت
بو نذری ایله مشدیم قارداشیم اکبر گلن ساعت
همین ساعتدی اول سرور گلور شاد اولمیوم نیلیوم
..
..
..
..
الیمدن دوت گیدوم پابوسینه اول ماه تابانین
وصاله تیز یتوم زایل ایدوم اندوه و هجرانین
منی گورسه سلامت دولدورار شوق و شعف جانین
دیر یالقوز قالان خواهر گلور شاد اولمیوم نیلیوم
..
..
..
..
سوروشسا حالیمی جویا گر اولسا درد و محنتدن
شکایت ائتمرم هرگز اونا هجران حسرتدن
فقط بیر اختصاراً شِکوه قیلام طول فرقتدن
یانوندا مهربان خواهر گلور شاد اولمیوم نیلیوم
..
..
..
..
گیدن گوندن منی اکبر شرار هجره یاندوردی
سکینه باجیمی سالدی یانینجا چوخ دولاندوردی
منی هجران ایونده قویدی تک جاندان اوساندوردی
یتشدی آخره غم لر گلور شاد اولمیوم نیلیوم
..
..
..
..
#حضرت_صغری #علومی_تبریزی
#دیولر_جده_جان_اکبر_گلور_شاد_اولمیوم_نیلیوم
#ترکی
#زبدةالاشعار
دیولر جده جان اکبر گلور شاد اولمیوم نیلیوم #حضرت_صغری_علومی_تبریزی
نظر دهید