زبانحال جناب زینب کبرا (س) به امام حسن مجتبی (ع)
.
✍️ #زبدةالاشعار✍️
.
🆔: @nohe_torki
.
مرحوم صحاف تبریزی
.
توكمه اشگون ایلمه بیر بیله افغان باجون اولسون
توکدی کول باشمه یوخسا گینه دوران باجون اولسون
.
.
گل کیمی رنگ رخون اوزگه صفایه بَزَنوبدور
بلمرم باشیمه قارداش گینه نه کول اَلَنوبدور
بو نه قاندور که بو قانیله جمالون بَلَنويدور
دوزمیسن لؤلؤ خُضر اوستنه مرجان باجون اولسون
.
.
گورورم عارض گلناردی پژمرده دی قارداش
توکوسن گل یوزه گوزدن بیله بي فاصله قان یاش
کیم سنی سالدی بو احواله ئولیدی باجون ایکاش
زینبه دردوی دی جان سنه قربان باجون اولسون
.
.
.
گیجه وقتینده منیم طاقتمی الدن آلورسان
نگران چوخ باخیسان قلبیمی تشویشه سالورسان
گه سولوب گه سارالوب گاه برادر چابالورسان
کیم سنی ایلدی بو نوع هراسان باجون اولسون
.
.
اشقیا ظلمیله بیله سنی مهموم ایلیوبلر
تازه دن ای آنام اوغلی بیزی مظلوم ایلیویلر
دی گوروم بوگجه آیا گنه مسموم ایلیوبلر
اثرِ سمّ اولور سنده نمایان باجون اولسون
.
.
اولدی آگه منه باشیمده منیم چوخلی بلا وار
آچمامش باشدان آتام قاره سنی آیری قرا وار
بو قرادن صورا هم واقعه کرب و بلا وار
غمدن آیریلمیاجاق زینب نالان باجون اولسون
.
.
گوره جاق زینب غمکش پوزولوب گلشن زهرا
کربلا دشتین ایدوب کوفه لیلر قانیله دریا
جسمی صد چاک دوشوب ایسی قوم اوسته شهِ بطحا
گون قباقنده قالوب قاننه غلطان باجون اولسون
.
.
چوخ چتیندور منه اول عرصه گهِ کرب و بلاده
اوندا که گورم حسین باشی اوخور آیه جداده
منيده شامه چکورشمرجفاپیشه پیاده
قولی باغلی باش آچوخ دیده سی گریان باجون اولسون
.
.
اوزینی خلق بو درگاهه امیدیله سالولّار
آلماقا ایستدیگین باب کرامتده قالولار
عاقبت اجرلرین باب کرامتدن آلولّار
آغلا صحاف او دليله دی حسن جان باجون اولسون
.
.
#حسنیه_صحاف_تبریزی
#حسنیه_شهادت
#توكمه_اشگون_ایلمه_بیر_بیله_افغان_باجون_اولسون
#ترکی
.
✍️ #زبدةالاشعار✍️
.
🆔: @nohe_torki
نظر دهید