مکالمه راوی با شمر در قتلگاه امام حسین(ع)
.
✍️ زبدة الاشعار ✍️
.
🆔: @nohe_torki
.
مرحوم حاج عبداله رضایی (غمکش)
.
راوی دیور باخوردوم میدان کربلاده
بیر باش تجلّی ایلور گوردوم سر جداده
.
.
قانلی دوداقلاریندان گوردوم که قان آخوردی
اُول باش که اهلی بیتی باخدوقجا آغلادوردی
وحشتله شمر ظالم قانلی باشا باخوردی
اکبر آدین او سرور گوز یاشلی سسلنردی
قیزلار قناد آچاردی زینب هوسلنردی
.
.
بیر قانلی خنجری تا شمرین الینده گوردوم
اللرده قان شقاوت غفلت دلینده گوردوم
آغلوردی فکر ایدردیم خنجر بلینده گوردوم
ویردوم ایک(ی) اللی باشه سسلندیم ای جفاجو
آیا دیدیم بیلورسن کیمدی بو مرد حق گو
.
.
بو باش کیمیندی نوک نی ده تلاوت ایلیر
قرآنی آیه آیه حقّه شهادت ایلیر
اعجازیله همان باش لطف و عنایت ایلیر
اسدیکجه قاره یللر طوفان گلور نوایه
بیز گورموروک ائمه یکسر گلوب عزایه
.
.
گوز اشگینی عذاره باغلار جداده بو باش
قانی آخار ترابه آغلار جداده بو باش
هر قلب اولا اگر داش داغلار جداده بو باش
گل پیکری یارالی قوم اوسته تپراق اوسته
قیزلاری آغلاشولار دورینده دل شکسته
.
.
عریاندی گل جنازه معناده حیدر آغلار
بو جسمیله بو باشه ایندی پیمبر آغلار
ال سینده یارالی زهرای اطهر آغلار
اوخلار سالوبدی سایه میداندا گل بدنده
غارت اولوبدی بو گل گلشنده هم چمنده
.
.
نهر فراته ساری سرلشگری گیدیبدی
الدن بونون شبیه پیغمبری گیدیبدی
بیلم نه جرمه خاطر انگشتری گیدیبدی
بیر بیر همین بو باشین انصاری دوغرانوبدی
شش ماهه سی اَل اوسته میداندا اوخلانوبدی
.
.
اطرافینی گزولّر هی قمریان خوش گو
پربسته بالی بسته دللرده ذکر یا هو
جاری اولور فراته آغلور حسینه گر سو
عطشانلارین پناهی قولسوزدی باغری قاندی
زینب نه لر چکوبدی گوز یاشلی ناگراندی
.
.
شمره دیدیم مسلمان ایتمز بیله جنایت
ای بد شیم ویروب یوز سندن بیله خیانت
پیغمبر اوغلونا وار سنده بیله عداوت
قربانی ذبح ایدر کیم دریا یانیندا عطشان؟
جانلار بونا فدادی عالم حسینه قربان
.
.
وئردی بیله جوابیم آخرده اُول ستمگر
نامی حسیندی جدّی مشهور دور پیمبر
صدّیقه دور آناسی زهرا بتول اطهر
کسدیم باشین قفادن ظلمیله من حسینون
معناده ئوز آناسی آغلوردی نور عینون
.
.
تا وعده ی ریاست آلدیم تاپوب اِراده
عریان یارالی نعشی قالدی بونون اراده
گوردون یارالی باشی نصب ایتمیشم جداده
من زادۀ زیادین هر امرینه امینم
یاز دهریده بیلینسون من قاتل حسینم
.
.
تکلیف اولوندی اوّل ایتسون یزیده بیعت
دوشدی بو فکره ایتسون دنیایه بو ریاست
ئولدورموشوق حسینی اخیامی اولدی غارت
شامه یارالی باشی بیز ارمغان آپارّوق
لبلرده قان گوزونده اشک روان آپارّوق
.
.
امر ایلدیم بو باشی ووردی سنان سنانه
قول باغلی اهل عیالی اولسون گرک روانه
شام اهلی غبطه ایلر بو جنگ کوفیانه
بیر کیمسنه یزیده جرأت داخی ایدنمز
بیر سیلدی بو حکومت داغ گلسه سد ایدنمز
.
.
بو باش اولار گلنده داشلار هله نشانه
طشت طلا ایچینده مجلسده خیزرانه
تا سالمیا ریاست عشقین بیری گمانه
راوی دیور دایاندیم باخدیم او قانلی باشه
غرق اولموشیدی گوردوم دیدَمده قانلی یاشه
.
.
شمر الده قمچی گلدی نعره چکوبدی بیردن
تیتروردی گوردوم اوندا بی شرم دون غضبدن
سسلندی اعتراضون وار اولما بو سببدن
بیردن دیدیم که ظالم قوم پلیده لعنت
ابن زیاده لعنت ظالم یزیده لعنت
.
.
خسران دین و دنیا سیزدن عیاندی زنهار
دین کلمه سین گتورمه قرآنی ایتدوز انکار
ئولدور منی دیدیم ای شمر شریر غدار
مین جانیم اولسا ظالم قرباندی تک حسینه
عشقیم عیان اولوبدی بو بی کمک حسینه
.
.
سعدین ستمگر اوغلی اولماز بیر آن فراموش
ایستوردی حق چراغین ایتسون ستمله خاموش
اولسون گرکدی کلّ عالم بوگون سیه پوش
سالار دین حسیندی رهبر فقط حسیندی
ابن زیاده لعنت سرور فقط حسیندی
.
.
یا رب ئوزون بو دین حقدن ایله حمایت
لعنت اولا او شخصه اوّلده قویدی بدعت
تاپدی همان او گوندن اهل ستم جسارت
دیوار و بین درده زهرا ئوزی قالاندا
مولا دلین بو غملر هم یاندیروب یاخاندا
.
.
زهرا بویانماسیدی اُول ماجراده قانه
اولمازدی اسم اسلام هر بیر دله بهانه
ویرمازدیلار ستمله اود قلب شیعیانه
قانون شکن جهاندا ایتمزدی اوندا جولان
شیرازه دن بو نوعی چیخمازدی ایندی قرآن
.
.
یانمازدی قلب زینب هرگز شرار آهه
ویرمزدی حکم غارت شمر دنی سپاهه
ویرمازدیلار جفادن آتش بو خیمه گاهه
قرآن حسین حسیندی امکان حسین حسیندی
درمان حسین حسیندی جانان حسین حسیندی
.
.
ای قانلی باش عنایت ایله بو شیعیانه
درک ایلسون بو عشقی لطف ایله بو زمانه
گوزیاشلاری اوخ اولسون مغرور دیدگانه
زنده ایدیبدی حقاً خون حسین نمازی
واردی ایکی جهانه مولانین امتیازی
.
.
#غمکش بو شعره ویرسه نمره امیر عالم
محشرده یوخ سنون چون عالم بیلر که هیچ غم
طوفان سالاربو نوحه گلسه گنه محرم
عاشقلری اوشاهین ماه محرم آغلار
نوکر اونا منیم تک هردم دمادم آغلار
.
.
#قتلگاه #حسینیه_شهادت
#راوی_دیور_باخوردوم_میدان_کربلاده
#غمکش
#زمزمه_های_محرم_غمکش
#ترکی
.
✍️ #زبدةالاشعار✍️
.
🆔: @nohe_torki
نظر دهید