شهادت حضرت امام رضا (ع)
..
..
مرحوم اعظمی تبریزی
..
..
جور زهریله اورکدن
زخمدارم من اوغول گل
بیر سنه جان اوسته آخر
انتظارم من اوغول گل
..
..
وار یری جور و جفادن
عرشه چخسون آه و زاریم
جان دوداقیمده دوروبدور
قالیمیوبدور اختیاریم
ظلمیله قالدون آتاسیز
ای جوان گل عذاریم
بیر سنون هجرونده بو گون
اشکبارم من اوغول گل
..
..
بُلمورم مأمونه آخر
نیلمشدیم من دل افکار
تا منی مهمان چاغوردی
ایلدی بیر اؤزگه رفتار
زهرلی انگوری ویردی
قلبیمی یاندیردی زینهار
نیلیوم یانّام دایانّام
داغدارم من اوغول گل
..
..
کیم منی یاده سالار بس
خویش و ایلدن بی نصیبم
نه عیادت ایلین وار
من مریض بی طبیبم
نه گلن وار نه گیدن وار
بو ولایتده غریبم
گوزلریم یولدا قالوبدور
انتظارم من اوغول گل
..
..
من رضایم طاقتیم وار
غصّه غم بیر عالم اولسون
داد یالقوزلیق الیندن
یوخ گمان بیله غم اولسون
نه باجیم معصومه گلدی
من غریبه همدم اولسون
درد و غمدن هجر ایوینده
بیقرارم من اوغول گل
..
..
هارداسان ای ماهپاره
جان ویرر غملر طبیبی
احتضار حالینده بو غم
آلدی آرام و شکیبی
خوار اولار یاسیم غریبم
کیم سالار یاده غریبی
بی کسم بی اقربایم
دلفکارم من اوغول گل
..
..
..
هر نه امر ایتدی حبیبیم
من دیدیم امرون گوز اوسته
هر جفایه دوزدوم اما
آغلارام بو بیر سوز اوسته
صون نفس ده بیر کسیم یوخ
باشیمی آلسون دیز اوسته
خویش و ایلدن آشنا دن
چون کنارم من اوغول گل
..
..
ممکن اولسا دفن ایدنده
قوی مزاریم اوسته لاله
بولسون عالم قاندى باغریم
تا باخوب ایتسونله ناله
یاسه زواریم گلنده
آغلاسونلار بو ملاله
نیش هجریله اورکدن
زخم دارم من اوغول گل
..
..
خوشدی ایتسون استراحت
بستر ایچره زار و خسته
بستری غربت یرینده
نیلورم من دل شکسته
من گرک جدّیم حسین تک
جان ویرم توپراقلار اوسته
کنج غربت ده بو دینه
جان نثارم من اوغول گل
..
..
دردیمی نه بیر بولن وار
قالدی دلده غملریم گل
سینم اوسته گور نه قالمش
حسرتیلن اللریم گل
اودلی زهرین هیبتیندن
پارچالاندې لبلریم گل
بزم یاره لبلریم قان
رهسپارم من اوغول گل
..
..
«اعظمی» وادی غمده
محنته اولدون گرفتار
دردیوی دی آشنایه
ایلمه اغیاره اظهار
قبری اوسته سسله سنده
اوندا کی سسللّه زوّار
جور زهریله اؤرکدن
زخمدارم من اوغول گل
..
..
..
#رضویه #اعظمی_تبریزی #رضویه_شهادت #ترکی #زبدةالاشعار
نظر دهید