رحلت ایلوب خاتم پیغمبران #پیامبراسلام_رهبری_تبریزی

شهادت حضرت رسول اکرم (ص)
..
..
..
..
مرحوم رهبری تبریزی
..
..
..
..
رحلت ایلوب خاتم پیغمبران
انبیاء و اولیا ایلور فغان
شیعه لر قان آغلوری
کون و امکان آغلوری
..
..
..
..
بارگاه قدسدن جان آفرین
دعوت ایتدی تا اولا مسند نشین
تازه دن قُرب حَقَه اولدی قرین
شیعه لر قان آغلوری
کون و امکان آغلوری
..
..
..
..
عالم معناده سنموش رکن دین
حامی دین زینت عرش و زمین
قاره پوش اولموش بو گون روح الامین
شیعه لر قان آغلوری
کون و امکان آغلوری
..
..
..
..
سیر و گردشدن قالوب چرخ فلک
گویلره یکسر چکوب قاره ملک
مرتضا یالقوز قالوبدور بی کمک
شیعه لر قان آغلوری
کون و امکان آغلوری
..
..
..
..
باش آچوب آغلور بو گون شیر خدا
زهریله مسموم اولوبدور مصطفى
ظلمون ایتدی آشکار اهل جفا
شیعه لر قان آغلوری
کون و امکان آغلوری
..
..
..
..
مرتضایه یوز ویروب درد و محن
دودمانین ایلیوب بیت الحَزَن
دیده گریاندور حسینیله حسن
شیعه لر قان آغلوری
کون و امکان آغلوری
..
..
..
..
اذن ویردی فاطمه گوز یاشینا
گوزدن آخدی اشک چشم اوز باشینا
سالدی قاره اوز بلالی باشینا
شیعه لر قان آغلوری
کون و امکان آغلوری
..
..
..
..
«رهبری» آغلا بو گون ایله نوا
شوریله یکسر دولان بزم عزا
قسمت ایلر حق سنه کرب و بلا
شیعه لر قان آغلوری
کون و امکان آغلوری
..
..
..
..
#پیامبراسلام #رهبری_تبریزی #پیامبراسلام_شهادت #ترکی #زبدةالاشعار