شمرین الینده صبح و شام ای بابا داده گلمیشم #حضرت_رقیه_سعدی_زمان

زبانحال رقیّه خاتون به سر امام درخرابۀ شام
..
..
مرحوم سیدرضا حسینی سعدی زمان
..
..
شمرین الینده صبح و شام ای بابا داده گلمیشم
نیزه ده گورمشم باشون شامه پیاده گلمیشم
..
..
بسکه وفا خُمنده من رنگ غمه بویانمیشام
پای پیاده چوللری شام و سحر دولانمیشام
سیلی وروبلا دؤزموشم قمچی دگوب دایانمیشام
مژدۀ وصلون آلموشام صبر جفاده گلمیشم
..
..
نیزه ده قانلو باشیوی گوردوم اوجالدی شیونیم
آغلادیم آغلادی منیم حالیمه یاندی دشمنیم
اولمادی باغریما باسام قالدی بو حسرتیم منیم
حسرت دل گتورماقا من بو بلایه گلمیشم
..
..
گر چه جفای زجره من باخمیوب ایتمشم نوا
لیک گوزیمده گوز یاشیم قانه دونوبدی بر ملا
دخت ولیّ حق هارا کنج خرابه لر هارا
ویرماقا جان خرابه ده راه خداده گلمیشم
..
..
دوتدی جداده صورتون گرد و غبار و خاک و خون
زلفمیله توزین سلم ویرمدی نیزه دار دون
قرخ گون او رنج و غصّه دن درد و غمیم اولوب فزون
قرخ گیجه گوزلریم قالوب نوک جداده گلمیشم
..
..
آگهیدیم که عاقبت شام اولاجاقدی منزلیم
شامه دؤننده گوندوزوم حلّ اولاجاقدی مشگلیم
قانلو محاسنون بابا ایندی گرک توزین سلیم
شامه ایدوب بو مقصدی دلده اراده گلمیشم
..
..
گر چه جفای زجردن ای بابا جانه یتمیشم
هر نه گلوبدی باشیمه لیک تحمّل ایتمیشم
هر یره کیم گیدوب باشون منده دالینجا گیتمیشم
شهر دمشقه عاقبت راه وفاده گلمیشم
..
..
کرب و بلاده اوندا کیم عازمیدون شهادته
وعدۀ وصل شامده ویردون اوزون بو ساعته
بیر او سوزیله دؤزموشم مین غم بی نهایته
هجر غمینده سالموشام وصلوی یاده گلمیشم
..
..
قولّاری باغلو آج سوسوز زحمت بی شماریله
کوفه و شهر موصلی گزمیشم آه و زاریله
آبله دور ایاقلاریم گور نجه زخم خاریله
خورداجا سنّیله دؤزوب جور و عناده گلمیشم
..
..
سهلیدی شمر کافرین سیلی و تازیانه سی
سوگلوون ئولونجه وار آغلاماقا بهانه سی
قانیله تللریمده وار اکبریمون نشانه سی
دردیم اولوب او قانیله دلده زیاده گلمیشم
..
..
اکبریمون جنازه سین یرده گورنده بی کفن
روحیمی قانلو جسمینه ایلمیشم سپرده من
شامه بو قدر یولّاری بیر قوری جسمدور گلن
روحیمی قویموشام بابا کرب و بلاده گلمیشم
..
..
چشم بصیرت ایستوری گورماقا دلده یاره می
یاره لیوبله اهل کین بو دل پاره پاره می
کاش گوریدون اوندا کیم آلدیلا گوشواره می
باخمادیلار که نی کیمی ناله و داده گلمیشم
..
..
قمچی دگنده شیونیم اوج ایدوب عرشه طاقینه
رحم ایدن اولمیوب منیم ناله مین احتراقینه
قولّاریمی بی بیم ویروب قمچیلرین قباقینه
سایۀ حفظ زینب بخت قراده گلمیشم
..
..
نوکریوم «حسینیم» ای شه کشور وجود
گل سنی فاطمه آنان ایله منه سخا وجود
رسم جهاندی بو ایدر کبر گداده بد نمود
درگهیوه امیدیله زار و فتاده گلمیشم
..
..
..
..
#حضرت_رقیه #سعدی_زمان #حضرت_رقیه_شهادت #ترکی #کنزالحسینی2 #زبدةالاشعار