شجاعت حضرت ابوالفضل (ع)
..
..
..
..
..
مرحوم سید حجت معنوی اردبیلی
..
..
..
..
..
رزمگاهه گوردیلر عبّاس نام آور گلور
آلماقا نهر فراتی ساقی کوثر گلور
..
..
..
..
..
به ائوون آباد اولا دنیا بوئی ام بنین
آفرین بو عبد صالح اوغلووا صد آفرین
قول اوزون قامت رسا زیبا جمال و مه جبین
اسدیرور دشمن گوره نصر من الله پرچمین
بت لری سیندیرماقا چون فاتح خیبر گلور
..
..
..
..
..
افّ اولا اهل عراقین ناروا كردارینه
ائتدیلر بیعت یزیدین مبتذل افكارینه
ساتدیلار پیغمبر اوغلون درهم و دینارینه
دوشدیلر اما ابوالفضلین اجل پیکارینه
دیلده عباسین اولوب الله آدی ازبر گلور
..
..
..
..
..
دشمنه ائتدى نظاره حیدره مظهر اوغول
یاغیان قوم فرعون ایله دى قلبین ملول
بو قضایانی مسلّم غیرتی ائتمز قبول
جابجا اولدی آت اوسته حامی آل رسول
گوردی چوخ جرئت تاپوبدور لشکر کافر گلور
..
..
..
..
..
شیر غرّان تک اوزون ویردى صفوف لشكره
قورخودان مور و ملخ تک دگدی اعدا بیر بیره
باشلاری برگ خزان مثلی توكوب سقّا یئره
صحنۀ پیکاریده وار بیر عجایب منظره
باش هواده توپراقا باشدان قاباق پیکر گلور
..
..
..
..
..
وحشته سالدى عراق اهلین روند کارزار
نظم کفّاری داغیتدی پنجۀ ناسازگار
ایله دى بیر حمله ده فرعونیانی تار و مار
حیدر کرّار اؤپن قوللار اولوب دشمن شکار
قول نظر کرده اگر اولسا ایشه بهتر گلور
..
..
..
..
..
سسلنور الله اكبر اندیرور شمشیرینی
لشگرون شمشیریلن باغلار ره تدبیرینی
گه باخور تلّ اوستونه گاهی چکور تکبیرینی
گردن ماردلره سالدی اجل زنجیرینی
قورخوسی یوخدور نه قدری جنگینه لشكر گلور
..
..
..
..
..
پرچم اسلام الینده جعفر طیّار تک
باشلیوب فنّ نبردین حیدر کرّار تک
چوخ رجزخوان گلدی جنگه مارد غدّار تک
پنجۀ شیره دوشوبلر روبه مکّار تک
شیر غرّان عهده سیندن هاردا روبه لر گلور
..
..
..
..
..
سیندی صفلر یاتدی پرچم لر ئولوب سرکرده لر
كلمۀ تكبیریلن شمشیریدور هر آن اثر
مرحبا صوتی ابوالفضله ملک لردن گلر
باشدی قولدى جسمیدی قانه اولولّار غوطه ور
دشمنین پیشوازینه شمشیر مرگ آور گلور
..
..
..
..
..
تیتره دیب کرب و بلانی نعرۀ تکبیردن
سعدین اوغلى گیزله نیب دور خیمه ده تحقیردن
چیخمیور کیمسه سلامت پنجۀ جان گیردن
اوینیور باشلار هواده ضربۀ شمشیردن
پیکر مرداریدور هی توپراقا بی سر گلور
..
..
..
..
..
قلب لشكرده علمدار ئولدورور پرچم یخور
ایلیور فوراً صفوف لشكرى برهم یخور
کشمکش آرتاندا صفلر بیر بیرین هر دم یخور
راكب و مرکوبی که بیر حمله ده باهم یخور
بیر نفر دور تنگه امّا مِیمن و مِیسر گلور
..
..
..
..
..
فنّ پیکاریله اعدانی سالور پیچ و خمه
اولدی آگه قورخودان سرکرده لر کیف و کمه
گه با خور تلّ اوستونه حسرتله گاهی پرچمه
قلب لشكردن بودور فكرى یول آچسین علقمه
باشی اوستونده آچیب جبریل ده شهپر گلور
..
..
..
..
..
مستحقّ مرگ اولان افرادی صفلردن سئچور
باشلاری یاپراق کیمین بازوی مرگ آور بیچور
آغزینی شمشیر آچیب دور دشمنین قانین ایچور
فرق راکبدن دگنده پشت مرکبدن کئچور
اؤپمکه عبّاس الین جنّ و ملک یکسر گلور
..
..
..
..
..
صول طرفدن ایلیور حمله قاچور لشکر ساقا
پنجۀ شیره دوشوبلر یوخدی امکان قاچماقا
بورنی اوسته نحس اولان باشلار دگوللر توپراقا
قابلیّت گوسترور جدّاً علمدار اولماقا
صاق و صولدان برق و رعد آسا اوزون اللر گلور
..
..
..
..
..
سرکشان دشمنه بو جنگ و بو میدان دئیور
اندیرور شمشیرینی یا مرگ یا قرآن دئیور
عالم معناده زهراده اونا جان جان دئیور
تلّ ده زینب اوزون قوللاریوه قربان دئیور
هر گورنده پرچمین شوقه او غم پرور گلور
..
..
..
..
..
عرصه نی بیر گوز آچیمدا اهل شامه تنگ ائدور
کلمۀ تكبیریلن شمشیری هم آهنگ ائدور
عرصه دن قاچماق خیالین لشکر بی ننگ ائدور
گوز گوزی گورمز کانّه مرتضادور جنگ ائدور
جنگ خیبردور که گویا فتحینه حیدر گلور
..
..
..
..
..
آشکارادور بلا دشتیده یوم رستخیز
خاک بوس ایلر دمادم باشلاری شمشیر تیز
باغلانیب دور دورت طرفدن دشمنه راه گریز
تلّیده ایلور ابوالفضلین دعا شاه حجیز
آلجاقین قارداش سسین عبّاسه بال و پر گلور
..
..
..
..
..
چهرۀ آفاقی دوتموش گرد خوف و اضطراب
آروزی دشمنی عبّاس ائدیب دور نقش آب
پیش رودن قاچماقا هر کیمسه کی ایلور شتاب
سرنگون ایلور ترابه یادگار بو تراب
هیبت عبّاسیدن تنگه گروه شر گلور
..
..
..
..
..
ابر تک دوتموش بلا صحراسینی گرد و غبار
گورسنور تک بیر اوزون قول بیرده تیغ جان شکار
جسم لرده قالمیوب جنگه داخی روح قرار
قلب لشگردن گلور سس الفرار و الفرار
لرزیه آت شیهه سیندن کوه و دشت و بر گلور
..
..
..
..
..
تلّین اوستونده دوروب زینبله میر كربلا
یوز دوتوب درگاه حقّه قارداشین ایلور دعا
صدقیله آمین دیور زینب انیس ابتلا
گوسترور جدّاً شجاعت رزمیده صاحب لوا
پیشواز مرگه ارواح فساد و شر گلور
..
..
..
..
..
ما حصل آلدى فراتی زادۀ شیر خدا
مشکینی دولدوردی سالدی چگنینه دوشدی یولا
سمت نخلستانیدن سالدی یولون اول با وفا
پیشواز ائتدی ابوالفضلی ولی دست قضا
شرح غم یازدیقجا خامه نالیه دفتر گلور
..
..
..
..
..
ائتدى ظلمیله كمین گهده قاچان لشکر کمین
جور نوفل عترت زهرانی ائتدى دل غمین
گوزلرین یومدى عزادار اولدی جبریل امین
گیتدى اللر قویمادى اما یخیلسین پرچمین
لنگره دوشدوگجه پرچم جسمینه لنگر گلور
..
..
..
..
..
گر چه یوخدور قوللارى ائتسین حمایت مشکینه
ایلیور امّا تلاش بی نهایت مشکینه
صاق گوزنده ویردی با اینکه ضمانت مشکینه
پر آچیب اوندا بیر اوخ ائتدى اصابت مشکینه
سوز سوزی چکدی خیاله محنت دیگر گلور
..
..
..
..
..
بیلمورم برهم او ساعت اولمادی دنیا نه دن
شرح قیللام بوسوزی گر اولماسا ایراد ائدن
سالدی عبّاسی همان اوخ جابجا روحیه دن
عاجز اولدى مركب اوسته قالماقا قولسوز بدن
بو مصیبت دن فغانه چرخ بازیگر گلور
..
..
..
..
..
حیف او قوللاردان او زحمتدن او مرد کاریدن
مكریله دشمن اونی محروم ائدیب پیکاریدن
حیف او پرچمدن ییخیلدی دوشدی استقراریدن
حیف اولا قیزلاره خاطر ائتدگی ایثاریدن
حیف او قامت دن کی اوخلاردان آچیب دور پر گلور
..
..
..
..
..
#عباسیه #معنوی_اردبیلی #عباسیه_شجاعت #ترکی #زبدةالاشعار
نظر دهید