زبدةالاشعار

دفن ائدنده حضرت زهرانی میر مقتدا #فاطمیه_رجایی_تبریزی

دفن حضرت زهرا(س)
زبانحال حضرت پیامبر (ص) به حضرت علی (ع)
.
.
.
#سبک_زینبم_جان_اوستیم ( 4 سبک ) : یه سوال دارم مگر ما دل نداریم ای خدا … اذن ویر یا رب گله مهدی امید هل اتی … مولا ، آقا ، عجل علی ظهورک … زینبم جان اوستیم …
.
.
مرحوم سید حسین #رجایی_تبریزی
.
دفن ائدنده حضرت زهرانی میر مقتدا
وار یری بو سس گلیدی قبریدن یا مرتضا
.
بو اگر من تاپشوران سالم امانتدور علی
قولّاریندا سینه ده بو نه علامتدور علی
.
.
من بِله تاپشورمامیشدوم عترتی بو امّته
حکم شورادور یقین باعث بو هتک حرمته
یوخسا بو نوعیله کیم صدمه وورار بیر عورته
ایلیه سقط جنین گور نه شقاوتدورعلی
.
.
برعلیه مسلمین تأسیس اولان شورایه باخ
حقّی ناحق ائتماق اوسته شورش غوغایه باخ
حکمه باخ محکومه باخ مأموره باخ اجرایه باخ
مجلس شورا دئمه دارُالجنایتدورعلی
.
.
دین یولوندا ترک قیلدیم لذّت دنیانی من
تاپشوروب گئتدیم مسلمان امّته قرانی من
بیرده ائتدیم توصیه حقّ ذَوی القُربانی من
بو مگر احکام قرآندان اطاعتدورعلی
.
.
حقّیوی نه عذریله غصب ایلیوب اهل جفا
قولّاری باغلی آپاردی مسجده مندن صورا
یادلاریندان چیخدی یوخسا آیۀ قُل اِنَّما
بیر ایله آیه که عنوان ولایتدورعلی
.
.
ایشلری هرگز موافق اولمادی گفتاریله
ووردولار اسلامه صدمه بیر ایله رفتاریله
ئولدوروب زهرانی کیملر ضربۀ مسماریله
حکم قتلی ویرماقا علّت ریاستدورعلی
.
.
من قیزیم زهرانی بسلردیم نه عزّتله اوزوم
واضح اولموشدی جهانه بضعةٌ منی سوزوم
ایمدی نه نوعیله گورسون اشقیا ظلمین گوزوم
امّتیمده بُلمورم بو نه جسارتدورعلی
.
.
مجلس شوراده چوخ ظلمین بناسین قویدولار
درگه وحی خدانی اود ووروب یاندوردولار
نیلمیشدی بو قیزیم زهرایه قمچی ووردولار
بو جفا و ظلملر اجر رسالتدورعلی
.
.
بو مُسلَّمدور که مرهم گوتورر بعضی یارا
بو یارا مرهم قبول ائتمز داخی واحسرتا
یا علی انسیۀ حورا هارا سیلی هارا
قولّاریندا سینه ده بو نه علامتدورعلی
.
.
ای «رجائی» دوتدی اود قلبین سنین بیر آز دایان
تک دَگُلسن چوخدی بو دریای غمده غرق اولان
وار امیدین حشریده ائتسون دعا زهرا آنان
روز محشر موجب عفو و شفاعتدور علی
.
.
#فاطمیه_شهادت
#دفن_ائدنده_حضرت_زهرانی_میر_مقتدا
#بو_اگر_من_تاپشوران_سالم_امانتدور_علی
#ترکی
.
.

متن پیشنهادی:  حسین دیار شامیدن قبریوه سلامه گلموشم #اربعین_شانی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی