زبانحال حضرت زینب (س) با زهرای سه ساله در خرابه شام
.
#سبک ها
1- #سبک_الهی_دفن_ایدیم_نجه
واگیر برای این سبک :
(باشندا قاره رقیه لای لای
اورکده یاره رقیه لای لای)
.
2- #سبک_دل_شب_ایلیوب_سفر (4 سبک سینه و زنجیر)
.
3- #سبک_تا_مشکتو_تو_آب_زدی
#سبک_حسین_دوشوبدی_مقتله
واگیر برای این سبک از #جوانی_تبریزی
(سولوبسان گل تک اولوبسان پرپر رقیه
ملال و غمدن سارالدی گوزلر رقیه
اوقدری ویران سراده فریاده گلدون
یانوب احوالونده آل حیدر رقیه
رقیه وفالی حسینون مارالی)
.
سیفی اردبیلی
.
رقیه ای اسیر غم
سن اوخشا قوی من آغلیوم
قرا گوز آهوی حرم
سن اوخشا قوی من آغلیوم
.
.
ریاض عمر زینبون سن عزّت و وقاری سن
حسینیمون عزیزه سی وفالی یادگاری سن
قفسده آب و دانه سیز قناد چالان قناری سن
ترنُّم ایله دمبدم سن اوخشا قوی من آغلیوم
.
.
باتردی بخت ایوینده غم پارلدیان ستاره وی
بو چرخ کجروش قیزیم الوندن آلدی چاره وی
گوز آلتی باخما چوخ منه بی بون تانور اشاره وی
چاتور حیاتوه عدم سن اوخشا قوی من آغلیوم
.
.
اوچ ایلده ویرمیوب سنه بو زندگی شیرین مزه
عجوزۀ فلک قیزیم نظر ووروب قرار گوزه
او قاره گوزدن اشکوی بو قدری توکمه گل یوزه
داریخما ای وفا شیَم سن اوخشا قوی من آغلیوم
.
.
ریاض عمریدن کؤچوب قطار شادی بهار
سنق نِیه مثالسن سسونده چوخ سزلتی وار
آنا یولیندا گوزلرون قالوبدی بیلَّم انتظار
گلر او منبع کرم سن اوخشا قوی من آغلیوم
.
.
شکار ایدنده اوچیلار اِلِیکی قوهاقو دوشر
غزال رم ییوب قاچار محیط صیده هو دوشر
نفس یورولسا سینه ده کمند ظلمه او دوشر
غزالِ بَختون ائتدی رَم سن اوخشا قوی من آغلیوم
.
.
چمن سولوبدی خار غم گُل عمروه رقیق اولوب
دیلونده زخم طعنه لر یاواش یاواش عمیق اولوب
همیشه غرق غصّه سن گوزللرون غریق اولوب
من اولموشام سنق بَلَم سن اوخشا قوی من آغلیوم
.
.
باخان دیَر نه دوزلودی یانار سنون ملالوه
مرکّبِ سرشک آخار عذار بی مثالوه
یازار حدیث غصّه نی او توز دوتان جمالوه
اولوبدی کیپریگون قلم سن اوخشا قوی من آغلیوم
.
.
اسیر ایدوب فلک سنی کمند ابتلاسینه
عروسِ بختی قویمادی مراد مرکبین مینه
زمانه بنذه دوب سنی شکسته پر گئوَرچینه
نه وار دَنون نه تابِ غَم سن اوخشا قوی من آغلیوم
.
.
قضا اَگوب مسیرینی مُرداوه دولانمادی
رفیق طالعون سنه بو چولده یار اولانمادی
بَلَندی گَردِ محنته قرا تلون دارانمادی
نه فرصت اولدی من هؤرم سن اوخشا قوی من آغلیوم
.
.
نه صورتونده رنگ وار نه قلب زارده قوا
سالوبدی مرغ روحیوی اذیّته اوچوق یووا
کباب اولار اورک بالا او نی کیمی سزلتوا
گرک غمونده من ئولم سن اوخشا قوی من آغلیوم
.
.
یامان گونون چخار باشا دوام ایبه بو دوستاقا
او زلف عنبرینوی بو قدری سرمه تپراقا
یوزونده سیلینون یری شبیه اولوبدی یاپراقا
ویرر ملالوی رقم سن اوخشا قوی من آغلیوم
.
.
ستاره مثلی پیکرون قزیم محیط چَندَه دور
غبار درد و ابتلا او زلف پر شکننده دور
دیلون دیَر آتا آتا گوزون ولی وطنده دور
اولوب بی بونده قدّی خم سن اوخشا قوی من آغلیوم
.
.
بلا مسیر عمروه قازوب سنون دَرین قوئی
فلک نه کجمداریمش یوخا چخارتدی آرزوئی
بنفشه مثلی دمبدم بو قدری بورما بوینوئی
یوخومدی طاقتیم گؤرم سن اوخشا قوی من آغلیوم
.
.
دیلون جفای دهردن لباسِ غصّه سویمادی
یوؤن داغیلدی قوش کیمی بو قوم کینه دویمادی
سنی سارالتدی غملرون منی زمانه قویمادی
مرادیمون گولون درم سن اوخشا قوی من آغلیوم
.
.
درخت باغ عمروی جفا الی اوراقلیوب
ویروبدی یاپراقین یله خزل کیمی ایاقلیوب
یانان اورکده اللرین خانم بی بون داراقلیوب
آغارتدی زلفلرین ستم سن اوخشا قوی من آغلیوم
.
.
یایلدی کوی و برزنه نفسده کی شرار آه
صغیره سنّیلن سنی اسیر ایدوبله بی گناه
قورولسا یوم حشرده قصاص ظلمه دادگاه
اولار خدا ئوزی حَکَم سن اوخشا قوی من آغلیوم
.
.
دوتوبدی گوزگی تک قیزیم او ماه صورتون کَدَر
سالوبدی جان کنیشلیگه سنی فراقت پدر
همای روح بَلّیدور ایدوب ارادۀ سفر
یولووی گوزلیور ننم سن اوخشا قوی من آغلیوم
.
.
ستاره قاش گوز اوینادور فضاده چَن تاپولماسا
هزاره غصّه مرگ اولار قفسده دَن تاپولماسا
خرابه اولسا مدفنون سنه کفن تاپولماسا
الیم بوش اولسا نیلرم سن اوخشا قوی من آغلیوم
.
.
نِجِیکی داغلارون قاری اَرور قیزیم آخار چایا
اَریتدی غَم وجودوی گُلَر گونون گیدوب زایا
دیلونده لایلای اصغریم دولاندی ظلمیدن وایا
اورکده درد ایدوب وَرَم سن اوخشا قوی من آغلیوم
.
.
علی قیزی اسیر اولوب اَلُو دوشوب تفاقینه
نه نور و نه صفا قالوب اطاقینه چراغینه
بلالی عموون بالا باشووی قوی قوجاقنه
خوشام دوداقووی ئوپم سن اوخشا قوی من آغلیوم
.
.
رقیه ای وفا سیَر سپهر محنت اولدوزی
بتول غم کشیده نون ئوزینه بنذیَن قیزی
نصیب اولوبدی «سیفیه» همیشه سفرَوؤن دوزی
دیور قاپوندا نوکرم سن اوخشا قوی من آغلیوم
.
.
.
#حضرت_رقیه_شهادت
#رقیه_ای_اسیر_غم
#سیفی_اردبیلی
#ترکی
.
نظر دهید