زبدةالاشعار

اذن ویر ای شاه شهیدان حسین #عباسیه_محمدی_ناطق

استیذان حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
محسن محمدی هشترودی
.
اذن ویر ای شاه شهیدان حسین
جانیمی ایلوم سنه قربان حسین
سینم گلوبدور تنگه بو چولده
عباسی گوندر جنگه بو چولده
.
.
شاد ایله بو قلب پریشانیمی
تا یتروم مقصده پیمانیمی
ثابت ایدوم دشمنه ایمانیمی
بذل ایلیوم دینه اولان قانیمی
رهبر دین منشأ ایمان حسین
ای شمس عزّت روحین غذاسی
قربانون اولّام زهرا بالاسی
.
.
سینة سوزانوه قربان اولوم
دلده کی ایمانوه قربان اولوم
دیدة گربانوه قربان اولوم
جوشه گلن قانیوه قربان اولوم
ایله علمداروه احسان حسین
سالما کمنده بو خسته جانی
گوندر جهاده طاها نشانی
.
.
قوش نفراته آقا غمخواریوی
ایلمه شرمنده علمداریوی
شاد ایلسون غمزده قیزلاریوی
نهره ویرا پرچم احراریوی
قلبیمی محنت ایلیوب قان حسین
روحیم دوشوبدور مولا فشاره
زهرایه خاطر ایت درده چاره
.
.
آفت اسوب گلشن گلزاریوه
صدمه یتوب رونق پرگاریوه
ایله نظر سیّدی دسیاریوه
منتظرم لطفوه گفتاریوه
رخصت اولا نوکره الآن حسین
هل من مبارز سسلور جماعت
ایله مرخّص ای کان غیرت
.
.
پنج تن آل عبا سال یولا
پادشه کرب و بلا سال یولا
روحه غذا درده دوا سال یولا
نوکریوی ایله دعا سال یولا
گوزلوری یول فرقة عدوان حسین
گهوارسینده سو گوزلور اصغر
قانه باتوبدور شهزاده اکبر
.
.
وعدة سو ویرمیشم عطشانلارا
جان دیمیشم حالی پریشانلارا
قوش منی بو عرصده فتیانلارا
ملحق اولوم فارس میدانلارا
گوزلیوری جمله شهیدان حسین
مولا خلاص ایت عباسی گیتسون
عشّاقلر تک مقصوده یتسون
.
.
قاندا سنون جاند ا سنون قوی گیدیم
دینینه قرباندا سنون قوی گیدیم
رتبة رجحاندا سنون قوی گیدیم
روضة رضواندا سنون قوی گیدیم
گر چه بو گون سختیدی هجران حسین
آیری بهانه یوخ الده مولا
مأیوس ایتمه ای جان زهرا
.
.
ای خلف شیر خدا قیل نظر
شیعه لری ایله دعا قیل نظر
مایة امیّد عطا قیل نظر
ایستیروخ کرب و بلا قیل نظر
“ ناطقیه “ اولگلا برهان حسین
جان اوسته مولا سال یاده تیز گل
وار انتظاری امداده تیز گل
.
.
.
#عباسیه_محمدی_ناطق
#عباسیه_شهادت
#اذن_ویر_ای_شاه_شهیدان_حسین
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  یریوزی یکسر بوگونده گلشن اولدی #اصغریه_قره_زاده

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی