فاتح تاریخ
.
✍️ #زبدةالاشعار ✍️
.
🆔: @nohe_torki
.
مرحوم هادی تبریزی
.
روح انسانیّت و فانوس وحدتدور حسین
فاتح روز نبرد نور و ظلمتدور حسین
.
.
شاهباز یکّه تاز آسمان افتخار
مرمرین تندیس دنیای بزرگی و وقار
درس انسانیّته عالی ترین آموزگار
بانیِ ارزندۀ علم و فضیلتدور حسین
.
.
چهرۀ آزادی و سیمای سیمینِ وِداد
رهرو آزادی و پروردگار عدل و داد
هیکل جهد و خدای راستین اجتهاد
مظهر سعی و تلاش و جهد و همّتدورحسین
.
.
شرح و تفسیر رموز قل هُوَ اللّهُ اَحَد
راح روحِ واژۀ والای اَللّهُ الصَّمَد
لَم یَلِد یولَد مثالی لَم یَکُن کَفُواً اَحَد
بی نظیر و با نظیر دست خلقتدور حسین
.
.
صفوة الله سطوت الله آیت الله دور حسین
آیت الله حُجت الله قدرت الله دور حسین
قدرت الله رحمت الله هیبت الله دور حسین
صاحب کلّ صفات ذات قدرت دور حسین
.
.
دُرد دَرد عشق حقّیله خمار و سرگران
جان قاچیتماز دین یولوندا جان و دلدن جانفشان
اوز قانیله آبروی عشق و حقّه پاسبان
پاسبان و حامی حقّ و حقیقتدور حسین
.
.
مرغک حق اوندان اوتری هو ویران هوهو ویران
فاخته دلباخته کوکو دیوب کوکو ویران
شمع عشقی سینه لرده قرنلر سوسو ویران
اهل عشقه باشدا قانلی تاج عزّتدور حسین
.
.
رهنمای راه چاره پای بی پای بشر
روشنای دیدۀ وجدان والای بشر
حافظ حیثیّت و ناموس ابنای بشر
ناشر اصل و اصول آدمیتدور حسین
.
.
شور عشقیله بلا گورموش باشی پر شور اولان
قتلگاهی سینۀ سینا کیمی پر نور اولان
سینه سی اوچ شعبه اوخدان جلوه گاه طور اولان
جلوۀ معلول طوره نور علّتدور حسین
.
.
درس و تعلیماتینه دنیا یوزون محتاج ایدن
قان توکن اوخلار قباقینده اؤزون آماج ایدن
پر آچان اوخدان اوخ استقبالینه معراج ایدن
عارج معراج سلطان شریعتدورحسین
.
.
غملری ایللر بویی عالملره غم قالدیران
جان آلاندان جان ویرن وقته سوسوز جان آلدیران
زینبین باشین ولائیله بلایه سالدیران
کربلا دشتینده قاموس مصیبتدور حسین
.
.
سو کناریده سوسوز یالقوز کمکسیز جان ویرن
پیکرینده یاره لر اولدوز سانیندا سان ویرن
نچّه مین ایلدن صورا ایللر یاراسی قان ویرن
جامع وجد و سرور و درد و محنتدور حسین
.
.
داغ کیمی دورموش دایانموش ورطۀ عصیانیده
ذورق امّید هر انسان دل طوفانیده
روح انسانلیق یارالدان جسم هر انسانیده
انس و انسانیّت و ریحان راحتدور حسین
.
.
آختاران حقّی، یارالی پیکر صد چاکیله
نشر ایدن حقّی جهانه بیر مرام پاکیله
بیر نفر مرد مبارز لشکر سفّاکیله
واقعا دریادی، دریای شهامتدور حسین
.
.
باش ویرن باش اگمیین دیو پلید ذلّته
قانیله سو آخدیران سولقون بهشت عزّته
عزّتین درسین ویرن هر مرد با حیثیّته
ناشر منسوجۀ نسج سیادتدور حسین
.
.
سینه سی اوخدان پر آچموش مصدر کانون حق
مصدر کانون حقّ و لوح کاف و نون حق
ضامن اجرای آزادیّت و قانون حق
هر زمان آئینۀ صدق و صداقتدور حسین
.
.
جانه گلمیش جان الیندن جانیدن جانه دویان
باش ویرن باشدان گیچن باشسیزلاری باشسیز قویان
دورت مین اوخلی کوینگین دشمنلری جبراً سویان
کشتۀ قوم رزیل پست فطرتدور حسین
.
.
تازه دن غم چولقیان قانه بلشموش پیکرین
ساربانی نصف شب کسموش بلکدن اللرین
بجدله الدن ویرن انگشتیله انگشترین
گورنه حاتم بخش پر مهر و عطوفتدور حسین
.
.
صبح عاشورادی «هادی» سینوی غم داغلادی
سوزدییَن سوز یازدیران سوزلی سوز اهلی آغلادی
عیبی یوخدور غم یمه قلبون اگر قان باغلادی
مرجع احسان و کانون عطفوتدور حسین
.
.
.
.
.
#حسینیه_هادی_تبریزی
#حسینیه_مدح
#روح_انسانیت_و_فانوس_وحدتدور_حسین
#ترکی
.
✍️ #زبدةالاشعار ✍️
.
🆔: @nohe_torki
نظر دهید