ضربت خوردن حضرت امیرالمؤمنین (ع)
.
.
.
مرحوم صحاف تبریزی
.
.
.
تعجبم ایتمدی ندن قاتلون حیا یا أباالحسن
اوتانمادی ووردی باشوا ضربت جفا یا أباالحسن
.
توکوب نماز اوسته قانوی
آلوب قرار و توانوی
اولیدی ایکاش اوگون هامی
عالمی فنا یا أباالحسن
.
.
.
گوروب سنی گرم راز حق ابن ملجم کافر و لعین
الینده شمشیر زهردار ایلدی همان حالده کمین
او بیحیا سجده دن باشون قوزیاندا اندیردی تیغ کین
تمام قوّتله فرقوه ووردی بیر یارا یا أباالحسن
.
.
.
بولوندی فرق مبارکون سجده گهده شق القمر مثال
بویاندى قانیله صورتون سنده گورسنن حال ارتحال
گلوب او ساعت تزلزله عرش و فرشی دولدوردی قیل و قال
آچوب باشین جبرئیل او دم ایلدی ندا یا أباالحسن
.
.
.
دیدی خدایه قسم اولوب ظلم الیله ارکان دین خراب
بویاندی قانه جفائیله سجده گاه طاعتده بو تراب
یر اوسته شور نشور اولوب داده گلدی سُکّان نه قبا
قیامت اوضاسنی نشان ویردی بو صدا یا اباالحسن
.
.
.
ایشتدی اوّلده بو سسی گیتدی زینبون صبر و طاقتی
آناسی زهرا کیمی بوگون بولدى باشلانوبدی قیامتی
گتوردی فریادی نالیه اهل بیت ختم رسالتی
آچوب باشین توکدی گوز یاشین ایلدی نوا یا اباالحسن
.
.
.
دوزنمدی بوردا زینبون بیر صدائیله تا آچوب باشین
اوجالدی افلاکه شیونی توکدی صورته قانلی گوز یاشین
نه نوعی بس دوزدی بلمورم گوردی اوندا که نازلی قارداشین
کسوک باشی نیزه ده گلوب نطقه برملا یا اباالحسن
.
.
.
گوروب حسینون باشی اوخور آیه آیه قرآنی نیزده
قویوبدی حیران تکلمی کافر و نصارانی نیزه ده
ولی دوتوب پرده پرده کول وجه پاک یزدانی نیزه ده
بدندن آز قالدی زینبون روحی آیریلا یا اباالحسن
.
.
.
خزان اولان گلستان کیمی درد و غصّه دن سولدی آغلادی
باشین ووروب چوب محمله آخدى قان گوزی دولدی آغلادی
سؤؤمادی قلب مضطری قانلی ساچلارین یولدی آغلادی
گلوب ویریدون تسلی سن کاش اوزون اونا یا اباالحسن
.
.
.
دیدی ئولیدی حسین باجون گورمییدی بو وضع حالوی
بو بس دگلدی فراقوا ایتدیلر مبدّل وصالوی
نه گورییدی بو نیزه ده دوتوب پرده پرده بو گل جمالوی
وار ایندی حقّیم دیسم اوزون داده گل بابا یا اباالحسن
.
.
.
اگرچه «صحاف» مضطرم ای ولیّ خلّاق لم یزل
گناهکارم الیمده یوخ بو مَهِ مبارکده خیر عمل
ولی محبّ ولایتم باشیم اوسته سن جان وئرنده گل
گورم جمالون او دم تاپا خاطریم صفا یا اباالحسن
.
.
.
#حیدریه #صحاف_تبریزی #حیدریه_شهادت #ترکی #زبدةالاشعار
نظر دهید