زبدةالاشعار

زبس ویرمیشدیلار جسمینه یاره #حسینیه #دخیل

پیراهن امام حسین (ع)
.
✍️ #زبدةالاشعار ✍️
.
🆔: @nohe_torki
.
مرحوم دخیل
.
زبس ویرمیشدیلار جسمینه یاره
تمام اولموشدی کوینک پاره پاره
.
نه کوینک عالمه سالمیش هراسی
که مین دو قوز یوز الّی بیر یاراسی
.
نه کوینک تادوتاردون گردنندن
حسین قانی آخاردی پیکریندن
.
نه کوینک آسمان اختران تک
اولوبدور جسمله اعضا مشبّک
.
اودم که لشگر کفار بی دین
سویوردولار او جسم نازنینین
.
بیری روح حسینی درده سالدى
گوروب باشی گیدوب عمامه قالدی
.
قلجلانوبدی قدقد دوغرانوبدی
قزل قانیله یکجا ایسلانویدی
.
آت اوسته ظلمنی عرشه یتوردی
اگلدی نیزه سین بردن گتوردی
.
///پس او ظالم عمامه نی گوتوروب گتوردی ایوینه اوندان صورا آیرسی گلدی///
.
گلوب گوردی اوملعون جفاکار
که بیر کوینک قالوبدور ای عزادار
.
جفا خاکنده تخم ظلم اکردی
یاخاسین کوینگین محکم چکردی
.
چکوب پیراهنی اول گبر و مرتد
ایدوب پیراهنین چون جسمیدن رد
.
یارالار اولدیلار بیر بیر نمایان
او وقته کربلاده قوپدی طوفان
.
دوشوب خوفه اودمده آل اطهار
اولوب بوحالان زینب خبردار
.
حسین وای ناله سی چکدی جگردن
بیابانه قویوب یوز خیمه لردن
.
نجف سمتین دوتوب فریاد ایدردی
دوراردی قورخودان گاهی گیدردی
.
دیردی ای امیر لافتی گل
یتش فریاده ای شیر خداگل
.
گل ای دعوالرون اصلانی بابا
گلوب بوگونده گور طوفانی بابا
.
گل ایت بو بیکس و بی یاره چاره
یتور بیر یاعلی ال ذوالفقاره
.
حسینون جسمنی یکسر سویوبلار
سراپا جسمنی عریان قویوبلار
.
دونر جسمی کبابه ایستی گونده
اگرقالسا حسینون گون ایوینده
.
بویاندا خواهر سلطان مظلوم
خبردار اولدی چون بیچاره کلثوم
.
تزلزل سالدی کل کائناته
قویوب یوز جانب نهر فراته
.
دیردی دور ایاقه یاریم عباس
علمداریم شه سرداریم عباس
.
ویراردون دم همیشه صولتوندن
اوزاقدور بو سنون چوخ غیرتوندن
.
که سویسونلار حسینون کوینگینده
قالا زهرا عزیزی گون ایوینده
.
خلاصه کوینگین آخر چخارتدی
گوروب چوخ پاره دور بیر باخدی آتدی
.
.
#حسینیه #دخیل
#حسینیه_شهادت
#ز_بس_ویرمیشدیلار_جسمینه_یاره
#ترکی
.
✍️ #زبدةالاشعار ✍️
.
🆔: @nohe_torki

این متن را هم بخوانید:  دور شامه گیدور عترتون الآن آنام اوغلی #کوچ_کربلا #محمدی_ناطق

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی