زبدةالاشعار

حسین بغیشله زینبون چوکوبدی کاروان گیدر #کوچ_کربلا #غمناک_تبریزی

کوچ کربلا
زبانحال حضرت زینب سلام الله علیها
.
✍️ #زبدةالاشعار ✍️
.
🆔: @nohe_torki
.
مرحوم غمناک تبریزی
.
حسین بغیشله زینبون چوکوبدی کاروان گیدر
باجوندا اختیاراولا سنی قویوب هاچان گیدر
.
.
نه بیر ایاق ساخلیوب محال کاروان ویرور
نه دفن ایتمگه سنی بو شمر دون امان ویرور
نه بیر الیم یتیر سنه نه بیر جه کس نشان ویرور
خدنگ محنته اولوب بو سینه لر نشان گیدر
.
.
اگرچه ظلمیدن دوشوب هراسه دربدر باجون
نقدرویرسا شمردون گینه بو گون دوزر باجون
بوچولده تاپمیونجه تا سنی نجه گیدر باجون
مگر دویونجه گورمسه سنی بو ناتوان گیدر
.
.
آدون فداسی هارداسان داخی یوخومدی بیرکسیم
یقین اوزاقداسان حسین سنه یتیشمیری سسیم
ندندی گلموری سسین مگر منیم دگول بسیم
کسوک باشون انار تک یرینده ارمغان گیدر
.
.
گرک دویونجا من سنه بو چولده اوخشیوم گیدوم
اورکده درد و محنت و ملالیمی دیوم گیدوم
نه کول توکوم بو باشیمه من ایمدی نیلیوم گیدوم
سنون یریوه گور منیم یانونمجه کوفیان گیدر
.
.
گلنده گلموشم بورا من اکبر جوانیلن
نه شوکت واساسیلن نه عزّت و روانلین
نه نوعی ایمدی گور گیدر باجون غم و فغانیلن
غمیم غم اوسته دور بیزه بو شمر پاسبان گیدر
.
.
دوتوم که اورگشوب باچون اوزین بلایه رام ایدر
دوزربو گونلره سنون غمونده صبح و شام ایدر
قزون سکینه یا حسین بو محنته دوام ایدر
ایاقیالین حجابیلن بو یولدا بیر زمان گیدر
.
.
زبس او چوللری گزوب تاپوپ یارالی قارداشین
اوزینی ناقه دن سالوب یره توکوبدی گوزیاشین
قوجاقلیوب جنازه سین دیوبدی بس هانی باشین
گوروب کسوبله باشینی آخار هنوز قان گیدر
.
.
یارالارینی بیربه بیر اوپوپ یتوب بوغازینه
گتوردی قویدی لبلرین او دمده حلق نازینه
دیدی جواب ویر باجون بو رازینه نیازینه
سالوب بو حال کیم سنی باخوب بو حاله جان گیدر
.
.
سنون بو غملی حالتون قرار و صبریمی آلوب
دوتاق که باش کسن کسوب باشون یوزاوسته کیم سالوب
سالوب یوز اوسته نعشوی سویوب نه پرهنن قالوب
حریر آفتاب اولوب بو نعشه سایبان گیدر
.
.
همیشه غمناک ایتگلن بو شاهه نوحه و فغان
اوزون یتور او کسلره که ویردیلر بو یولدا جان
مقام آرزو ده گر صفای صدق اولا عیان
عزا دوتان شهید اولان بو یرده توأمان گیدر
.
.
#کوچ_کربلا #غمناک_تبریزی
#حسین_بغیشله_زینبون_چوکوبدی_کاروان_گیدر
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ایلر بوگون یافاطمه هامی جهان افغان سنه #فاطمیه_دلریش

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی