زینبم ای یزید بل مفخر مرتضا منم #مجلس_یزید_غفاری_زنجانی

مجلس یزید
..
..
..
..
غفاری زنجانی
..
..
..
..
زینبم ای یزید بُل مفخر مرتضا منم
خون حسینی ایلین ساچلارینا حنا منم
..
..
..
..
باخما اگر چه دوغرانوب کرب و بلاده قارداشیم
زینب غم کشیده یم قانه دونوبدی گوز یاشیم
غرق مصیبت اولموشام دوشدی بلالره باشیم
هر نقدر بلا چکم حقّه ایدن ثنا منم
..
..
..
..
باخما اگرچه غصّه دن خمدی کشیده قامتیم
ایلر اثر ملک لره ایندی اسفلی حالتیم
شکر اولا ربّ العزّته وار او قدر شهامتیم
نهضت کربلایه چون حمل ایلین لوا منم
..
..
..
..
باخما اگر چه ظاهراً اولدوم اسیر گلمیشم
باطناً ای دنی صفت شامه سفیر گلمیشم
پنجه لریم طنابیله باغلی چو شیر گلمیشم
قدرت ذات اقدسه ایلین اتّکا منم
..
..
..
..
گورمه کیچیک گوزیله چوخ سن بوغم آشناسینی
باشیوی دوتموسان گوگه آتموسان حق رضاسینی
ساخلامادون نه علّته حرمت آل یاسینی
ایلوسن ادّعا هله مردمه پیشوا منم
..
..
..
..
ترک ایله تخت تاجوی غصبدی بو خلافتون
زانیه هندون اوغلوسان یوخدی سنون لیاقتون
قلب جهانی داغلیوب ظلملرون جنایتون
کشف ایلین جنایتون عالمه بر ملا منم
..
..
..
..
مفتضح ایلرم سنی زینبم انقلابیَم
فاطمه نون نشانه سی گنجینه درّ نابیَم
پاره دی گرچه معجریم دختر باحجابیَم
مؤمنه بانوانلارا دهرده رهنما منم
..
..
..
..
جدّ ابوندی بت پرست عرشه گیدوب بابام منیم
شافع یوم حشردور عزّتیله آنام منیم
دوش نبی اکرمه قویدی قدم آنام منیم
بتلری تار مار ایدن حیدره چون بالا منم
..
..
..
..
زور زریله یخموسان قارداشیمون تفاقنی
جوشه گلور عداوتون پارچالوسان دوداقنی
کیم ئوز ایوینده اینجدوب سنکیمی ئوز قوناقنی
رؤیت ایدن جنایتون غملره آشنا منم
..
..
..
..
وردون حسینه خیزران قلبیمی داغلادون یزید
آل رسولی ظلمیله قول قولا باغلادون یزید
ئوز حرمی کنیزیوی پرده ده ساخلادون یزید
من هارا بزم شرب هارا عصمت کبریا منم
..
..
..
..
واردی اگر چه معجریم یوخدى منه مناسبی
چون منیدیم زمانه ده عزّ و جلال صاحبی
گتدی جفالرورن منیم باشیمه بو مصائبی
غارته معجری گیدن خیمه لری فنا منم
..
..
..
..
باشیوه یغموسان یزید گرگ صفت جماعتی
کرب و بلاده ایتدولر ظاهر او گون قیامتی
آغلادى کلّ ماسوا لشگر ایدنده غارتی
زین العبانی ایلین اوتدان او گون رها منم
..
..
..
..
یاندی شرار ظلمدن قوشلارون آشیانه سی
قاشدی چوله اوشاق بیوک عرشه چخوب فغان سسی
وحشی عربلرون سالوب واهمه قلبه هوسه سی
اودلانان آشیانه سی ظلم اودونا هما منم
..
..
..
..
گوردی الولانوب خِیَم قاچدی رقیّم آغلادی
گل بابا هارداسان دیدی نازلی سکینم آغلادی
باشینه قویدى اللرون سینه دولی غم آغلادی
قلبی غمیله داغلانان یاره سی بی دوا منم
..
..
..
..
بعضی قاچوبدی علقمه میر سپاهی سسلنوب
گل عمو یوخدی قیزلارون پشت پناهی سسلنوب
پخش اولونان ستاره لر دادینه ماهی سسلنوب
جمع ایلین کواکبی دامنینه سما منم
..
..
..
..
بعضی سی دوشدی خندقه بعضی فراته غرق اولوب
یومدی حیاتیدن گوزون بحر مماته غرق اولوب
چوخلاری یول تاپانمادی راه نجانه غرق اولوب
بعضی دیردی شعلۀ کینیه مبتلا منم
..
..
..
..
#مجلس_یزید #غفاری_زنجانی #ترکی #زبدةالاشعار