ورود امام بدشت کربلا
..
..
..
#سبک_آتدان_یره_چون_دوشدی (باواگیر)
#سبک_یاران_چه_غریبانه
#سبک_آی_گویده_کی_اولدوزلار
..
..
..
مرحوم علومی تبریزی
..
..
..
..
..
رنگون سارالوب قارداش فریاد و فغان ایتمه
گوز یاشوه من قربان بو چولده مکان ایتمه
..
..
..
..
..
منزل ایلمه قرداش بو دشت غم افزانی
غملندی باجون زینب بو چولده حسین جانی
گل اولما رضا آخسون رخساره اورک قانی
اشگ تریمی قرداش بوعرصه ده قان ایتمه
..
..
..
..
..
بی جا دگی بو چولده قلبیم گلوردی درده
اوج ایلوری فریادیم یردن گویه بی پرده
حیدر هامو دعواده خرگاهی اوجا یرده
نصب ایتدی آنام اوغلی، بر عکسین عیان ایتمه
..
..
..
..
..
علت ندى رخساره بیله توکوسن قایناش
بو نوعی چوخور یرده خیمه قوروسان قارداش
گوز یاشوا من قربان اولسون بو باجون ایکاش
اطفاله باخوب اشگین بیر بیله روان ایتمه
..
..
..
..
..
بو قورخولی صحرایه قویدون که قدم گوردوم
حالین پوزولوب بی حد یتدی سنه غم گوردوم
کشف ایت منه بو حالی ای میر حرم گوردوم
بو چولده نولار آخر کشف ایله نهان ایتمه
..
..
..
..
..
یوخسا بو بلادشتی صحرای غم افزادی
درد و غم گوناگون آل اللهه برپادی
جدّیم بیوران یردی غم بیله هویدادی
یاندورما بو نالانی گل بوردا مکان ایتمه
..
..
..
..
..
بُلّم بو بیاباندا اشرار ایدجاق طغیان
نورسته جوانلاریم قانه باتاجاق عطشان
بس من نئدرم اوندا ای پادشه خوبان
زینب باجوین دردین بو چولده گران ایتمه
..
..
..
..
..
رنگون سارالوب قارداش فریاد و فغان ایتمه #ورود_کربلا_علومی_تبریزی
نظر دهید