سلام ای شرف دین ، مه برج ولایت #حضرت_معصومه_مصیبی_تبریزی

«عرض ارادت به بارگاه خانم معصومه(س) توسط هَیَآت شهرتبریز درصحن مطهر»
.
✍️ زبدة الاشعار ✍️
.
🆔: @nohe_torki
.
محمد علی مصیبی تبریزی
.
سلام ای شرف دین ، مه برج ولایت
خانم فاطمه دن ای ، آلان رُقعۀ عصمت
شهامتده دیوللر، وارون زینبه نسبت
قمُون شهرین ائدوبسن،چُنان روضۀ جنت
((بو یئر دار شفادی – غم و درده دوادی))
.
.
.
خانم ، قبریوه مهمان گلوب هیات ِ تبریز
ولا شوقی ئورکده اولوب گور نئجه لبریز
گئدور مشهده بوردان رضانی ائده تعزیز
صفابزمی به پادی – غم و درده دوادی
.
.
.
محبّان ولایت اولوب قبریوه زوار
نه زیبادی رواقی دولوب عشقیله سرشار
بو یر شامیده قبر ِ خانم زینبه اوخشار
عجب جلوه نمادی – غم و درده دوادی
.
.
.
سنون حجب و وقارون بو دنیاده علن دی
کریمه لقبوندی اونی حقده بگندی
کرامتده نشانون سنون جدّون حسندی
کرامت لی آقادی – غم و درده دوادی
.
.
.
آتان باب الحوائج همان مکتبه لنگر
رضا دور سنه قارداش شه پهنۀ خاور
سنون جدّین علیدور همان فاتح خیبر
امیر الاُمَرادی – غم و درده دوادی
.
.
.
.
سنیدون شه طوسین ئورک دردینه مرهم
سنون شانیوه حسرت قالوب هاجر و مریم
فروغ حرمیندن تجلّا تاپوب عالم
بو یر کنز عطادی – غم و درده دوادی
.
.
.
.
رضا شمع شرفدی کی پروانه سی سن سن
او مصداق صفادی حرمخانه سی سن سن
او صهبای ولادی کی پیمانه سی سن سن
مُعینَ الضُعفادی – غم و درده دوادی
.
.
.
.
اولوب صحن مزارون ولا جمعینه ساحت
گلن دردیله گلدی گئدنده آلوب حاجت
بو درگاهیده والله اولار حاجت اجابت
آدون عقده گشادی – غم ودرده دوادی
.
.
.
اگر دشت بقیعده آنان قبری دی گیزلین
ولی قمدا تجلا تاپوب نشئۀ یاسین
دئنن فاطمه عطری ائدوب بو یری تزئین
بقیع فقرادی – غم و درده دوادی
.
.
بو قبره اولا قربان «مُصَیب»ده کی گوزلر
خانم ، قویما اولونسون هدر یازدیقی سوزلر
سنون لطف وعطاوی بونون گوزلری گوزلر
ایشی آه و نوادی – غم و درده دوادی
.
.
.
#سبک
.
#حضرت_معصومه_مدح
#قم
#سلام_ای_شرف_دین_مه_برج_ولایت
#مصیبی_تبریزی
#ترکی
.
✍️ #زبدةالاشعار ✍️
.
🆔: @nohe_torki