زبانحال حضرت لیلا (س) در #کوفه و #راه_شام
..
..
..
..
اخگر مراغه ای
..
..
..
..
سپاه حُسنون علی شهری بیقرار ائلیوب
جداده قانلو باشون لاله تک بهار ائلیوب
..
سینان عقیق لبوندن ئوزنمورم گوزیمی
بهالی گوهریمی خصم سنگسار ائلیوب
..
او قانلو گؤزلریوین گؤزلریم قاداسین آلور
جمالیوه باخانی گؤزلرون شکار ائلیوب
..
او چاتما قاشلاریوا قطره قطره قان دوزولوب
بیر اوزگه منظره دور گور نه شاهکار ائلیوب
..
تنور تک آلیشوب اودلانور یانان اورگیم
یارالی سینه مه باخ گور نه لر شرار ائلیوب
..
مثال دانه دی خالون اگر گویول قوشونا
کمند زلفه دوشوب خلوت اختیار ائلیوب
..
او قانلی باشیویلن ائتمرم جهانی عوض
اودور آنان گؤزلیم کسب اعتبار ائلیوب
..
اوغول غمینده جهان آغلیا ننه اولماز
شهید اولماقیوا لیلی افتخار ائلیوب
..
اورکلر اودلانوری نی کیمی سیزیلتمدان
اورک قانین گوروسن گؤزلریم نثار ائلیوب
..
حواله ایله دون اخگر دیلیمجه یازدی غزل
حدیث عشقیمیزی بیله انتشار ائلیوب
..
..
..
..
دوبیتی
ای آسمان غمده آخان غم ستاره سی
لیلانی باغریقان ائلین باشدا یاره سی
آچموش آغیز، یارالار تازه قان ویرور
مسدود اولوب اوغول آناوین راه چاره سی
..
..
سپاه حسنون علی شهری بیقرار ایلیوب #اکبریه_اخگر_مراغه_ای
نظر دهید