#یا_امیرالمؤمنین (ع)
.
✍️ #زبدةالاشعار ✍️
.
🆔: @nohe_torki
.
#علیرضا_عباسی (احسان تبریزی)
.
ای همای اوج رفعت یا امیرالمؤمنین
ای شکوه آدمیّت یا امیرالمؤمنین
ای فروغ عدل و حکمت یا امیرالمؤمنین
ای یوزی مرآت غیرت یا امیرالمؤمنین
جان آلوب سندن حقیقت یا امیرالمؤمنین
ختم اولوب سنده عدالت یا امیرالمؤمنین
.
.
ای خداوند شجاعت حجت یکتا صفات
کون وامکانه اولان اعلا آدی رکن وثبا ت
خلقته گرداب غمده سنسن اول فلک نجات
اولماسیدون سن دولانمازدی بو چرخ کائنات
ممکن اولدی قدر تونله دهریده نا ممکنات
سنده دور اسرار خلقت یا امیرالمؤمنین
.
.
ای وجود اقدسی بو عالمون سرمایه سی
ای کلام الله ناطق حقین ای همسایه سی
ای شرف دیوانینین خوش منطقی آرایه سی
محکم اولدی همتونله دین و ایمان پایه سی
سالموسان دین اوستونه عالمده رحمت سایه سی
سن سن اول طوبای رحمت یا امیرالمؤمنین
.
.
یئرده سن آئینه ی ایزد نماسن یاعلی
گویده اما عند ربّ لا یُراسن یاعلی
سرّ حقه حکم وحیه آشناسن یاعلی
انبیایه یاور وهم رهنماسن یاعلی
در حقیقت خلقته مشگل گشاسن یاعلی
یئر گویه وئردین جلالت یا امیرالمؤمنین
.
.
اولماسیدون خلقت عالم اولاردی بینوا
اولماسیدون سن جهالت دهری ائتمزدی رها
اولماسیدون تنگنا دیدی تمام انبیا
اولماسیدون کامل اولمازدی یقین دین خدا
اولماسیدون فاطمه بی کفوّ اولاردی ،مطلقا
غیریلن ائتمزدی وصلت یا امیرالمؤمنین
.
.
گور نه اندازه وئریب عزت حق دانا سنه
مولد ائتدی کعبه نی خلّاق بی همتا سنه
غبطه ایلر اول سببدن حضرت عیسا سنه
افتخار ائتدی همیشه خلق آرا طاها سنه
وئردی آغوشینده مسکن خانه ی یکتا سنه
سندن آلدی کعبه رتبت یا امیرالمؤمنین
.
.
چشم دنیا گورممشدی سن کیمی آزاده مرد
تا قدم دنیایه قویدون ای ابرمرد نبرد
کعبیه زائر اولوبدی انبیا فرداً به فرد
حق سووندی باطلین رخسارینه اگلشدی گرد
زایل اولدی پیکر حقدن تماماً رنج ودرد
دست حقه گلدی قدرت یا امیرالمؤمنین
.
.
مردی ومردانگی سنله یئتیشدی عزته
گوهر ایمان یئتیب سنله حقیقی قیمته
کعبه ده دنیایه گتدی حق سنی بو علته
خلق بیلسین خالقین سرور ائدیبدی خلقته
اولسون آگه بیرده داراسن نئجه شخصیته
سندن ائتسین خلق اطاعت یا امیرالمؤمنین
.
.
سن کیمی عالمده مولا مرد کامل اولمادی
عدل وداده سن کیمی عالمده عامل اولمادی
زرق وبرق عالمه سندن تعامل اولمادی
حق یولون طی ایلدین مانع عوامل اولمادی
خوف و وحشت حالیوه بیر لحظه شامل اولمادی
روح آلوب سندن شجاعت یا امیرالمؤمنین
.
.
وصفیوه عاجزدی عالمده بشر اندیشه سی
مدحوین قرآنیده محکم اولوبدی ریشه سی
ریشه سین اوردان قیرانماز بیرده ظلمون تیشه سی
حشره جک مدحین ائده قرآنون اولدی پیشه سی
شیر حقین ملک قرآندور یقیندیر بیشه سی
واردی سنده چوخ فضیلت یا امیرالمؤمنین
.
.
باغ قرآندان اولا خوشدور بو طبعیم خوشه چین
عروةالوثقی دئییم یا حبل الّه و حبل المتین
معنی یاسین والرّحمان و الاعلی سن یقین
هل اتی هم واقعه کهف امان نوره قرین
معنی انّا فتحنا سابقون السابقون یعسوب دین
مومنون سندن عبارت یا امیرالمؤمنین
.
.
بیر گونی دنیا سنون ای شاهکار لم یزل
کامیوه شیرین اولوبدی دهریده مثل عسل
امر ائدیب اول گون رسوله خالق عزّ وجل
امر داداره رسول مصطفا ائتدی عمل
جحفه ده دوتدی الین مولا رسول بی بدل
شاد اولوبسان بیر او ساعت یا امیرالمؤمنین
.
#حیدریه_مدح
#ای_همای_اوج_رفعت_یا_امیرالمومنین
#ترکی
.
✍️ #زبدةالاشعار ✍️
.
🆔: @nohe_torki
نظر دهید