زبدةالاشعار

شاکیم قارداش حسین اهل جفادن شامده #اربعین_کهنمویی

اربعین
.
.
مرحوم کهنموئی تبریزی
.
.
شاکیم قارداش حسین اهل جفادن شامده
قالدی بیر گل گلستان مصطفادن شامده
.
دوریارالی اربعینوندور گلوب بیکس باجون
تا سنه شرح ایلسون هر ماجرادن شامده
.
شامه بیز وارد اولان وقته یزید اعلان ایدوب
پیشواز اولسون بیزه میر گدادن شامده
.
ساخلیوب دروازۀ ساعتده اوچ ساعت بیزی
ایتمدی شرم و حیا هرگز خدادن شامده
.
اولدی تعطیل عمومی باغلادی بازارلر
کف چالوب سویلدیلر هرنا سزادن شامده
.
صبحدن شامه دولاندوخ شهر شامین چوخ یرین
داد آنام اوغلی ایله صبح و مسادن شامده
.
شیعه لردن اکبرین باشین گورن حیران قالوب
یاد ایدردی جدی ختم الانبیادن شامده
.
ایلدی شام اهلی از بس که شماتت بیزلره
غصه و غم چکدوخ آرتوخ کربلادن شامده
.
بیرعجوزه غرفه دن گوردی باشون قرآن اوخور
کشف ایدر هر نکته نی سرّ خفادن شامده
.
سویلدی جدی حسینون ئولدوروبدی جدیمی
انتقام آللام بو گون نوک جدادن شامده
.
ویردی بیر سنگ جفا باشون دوشوبدور نطقدن
حق نما مرآتی سالدی انجلادن شامده
.
هر مصیبتدن اشدّ اولدی رقیه مِحنتی
بیر زمان دنجلمدی درد و بلادن شامده
.
آغلیوب سویلردی عمه هاردادور گلمور بابام
قورتارا اولادینی بو ابتلادن شامده
.
بیر گجه گوردی سنی رؤیاده آچدی گوزلرین
گورمیوبدور بیر اثر شمس الضحادن شامیده
.
سسلدی دور عمه تاپمیشدیم حضور یاری من
کامه یتمیشدیم لقای آشنادن شامده
.
عمه گلمیشدی منی آغوشه آلموشدی بابام
بس هانی گیتدی هارا ویرانسرادن شامده
.
شمع آهون روشن ایله من تاپوم محبوبیمی
قورتولوم بو فرقت بی انتهادن شامده
.
بو گجه وقتی بابامی عمه سندن ایستورم
چکمرم اَل سن کیمی مشکل گشادن شامده
.
آغلادی هر نه اوشاق ساکت ایدن دل لر دیدیم
ایستدی قارداش سنی من بینوادن شامده
.
سویلدیم عمون سنه قربان بو قدری آغلاما
دوتمادی آرام او حال غمفزادن شامده
.
ایتدیلر ناگه یزیدی ماجرادن با خبر
قوخمیوب یاد ایتمدی روز جزادن شامیده
.
بیرطبقده یوللادی قانلی باشون ویرانیه
تا قیزون ساکت اولا داد وبکادن شامده
.
نصف شبده گتدیلر باشون اوجالادی اَلامان
گوشۀ ویرانه ده آل عبادن شامده
.
گوردی بو حالی رقیه سسلدی ای عمه جان
ایستدیم سندن هاچان نان و غذادن شامده
.
گوتدولرسر پوشی گوردی قانلی باشوندور سنون
باغرینا باسدی گیدوب دار فنادن شامیده
.
جانویروب ویرانه ده اوز کوینگین ایدیم کفن
تیز خلاص اولدی جفای اشقیادن شامده
.
( کهنموئی) گوشۀ ویرانه ده دفن ایتدیلر
بیر نشانه قالدی آل مصطفادن شامده
.
.
#اربعین #کهنمویی #ترکی #زبدةالاشعار

متن پیشنهادی:  قان پرده سی مه یوزده سالوب هاله یارالی #کوفه_علومی_تبریزی

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters

Filter by Custom Post Type

دسته بندی درختی