در بیان عشق و راه شام
.
✍️ #زبدةالاشعار ✍️
.
🆔: @nohe_torki
.
مرحوم محمد تقی فرهادی (غمناک تبریزی)
.
چون باش ویروب حجابدن عین جمال عشق
کشف اولدی کائناته صفات جمال عشق
.
بیر پرده پرده دن ایلیوب جلوه آشکار
دولدوردی جمله عالمی جاه و جلال عشق
.
گون کیمی هر یره سالوب اوز قدریجه شعاع
تا که قلوب پاکه اولوب انتقال عشق
.
عارض اولوبدی جوهر جانه عرض کیمی
عرض ایتدی قلبی جوهر صاف زلال عشق
.
آلقان تک استخوان ئورکه یول تاپوب تمام
بیر باش سالوبدو باشه هوای خیال عشق
.
موجه گلنده جسمی سالورمین طلاطمه
ایلر وجودی غرق خیال مقال عشق
.
اثبات ایدنده اوز اوزینی شاهدین ویررو
عدلی چکر شهادته یوزمین رجال عشق
.
تعدیل ایستینده شهوده یغار تمام
ارباب عقلی جمع ایدوب ایلر سؤال عشق
.
تا صدقیله اوزین یتوروب اوج رفعته
بام فلکده اولدی مؤذن بلال عشق
.
دوتدی مقام کعبه ی مقعود حقیده
اولدی مقیم بارگه ذوالجلال عشق
.
کعبه حسین عشقی اولوب شوق لایزال
آرتوردی تا که عشقنی شوق وصال عشق
.
میدان عشقه قویدی قدم کیچدی جاندن
کوی وفاده اولدی قتیل قتال عشق
.
دورت مین یارا بدنده بدن خسته دلکباب
قالدی آراده نعش اولوب پایمال عشق
.
دوشدی جهانه سس که باتون یاسه سر بسر
عصرون امامی ئولدی بودور ارتحال عشق
.
باشی جدا باشیندا گیدوب شامه باش آچوق
معلوم اولسون عالمه تا این که حال عشق
.
شامه گیرنده درد وغمی شدت ایلیوب
گوردی زبسکه آرتوق اولوبدور ملال عشق
.
دائم گزوب یاننجه عیال غریبنون
چون گورمیوبله غربتی عالمده آل عشق
.
شام اولدی اهل بیته ویروبلر خرابه نی
دوتدی مکان خرابه ده اهل و عیال عشق
.
گون باتدی ظلمت اولدی آرایه گلوب گیجه
گیدی قرا لباس نهار و لیال عشق
.
یولدان گلوبدی جمله سی دلسیز دوشوب اودم
هر کس چکلدی بیر یره تاپدی مجال عشق
.
خالی گوروبدی مجلسی اغیار یدن کنار
قیلدی کنار اوزلقین ایتدی سؤال عشق
.
زینب دیردی اوز اوزینه ای فلک منی
گور بیر نه رنگله بویادی رنگ آل عشق
.
بختیم کیمی قرادی مکانم یریم قوری
یوخسا بودور زمانه ده آخر فعال عشق
.
بیر قاره کهنه معجره محتاج اولمشام
تالان اولوبدی ظلمیله مال و منال عشق
.
ائتمیش حسین عشقی بو غمناکی دل حزین
حزن ملالیدور بلی جمله خصال عشق
.
.
#راه_شام_غمناک_تبریزی
#چون_باش_ویروب_حجابدن_عین_جمال_عشق
#ترکی
.
✍️ #زبدةالاشعار ✍️
.
🆔: @nohe_torki
نظر دهید