شق اولوب شق القمر تک فرق حیدر کوفه ده #حیدریه_کریمی_مراغه_ای

شهادت حضرت علی علیه السّلام
..
..
..
..
..
مرحوم کریمی مراغه ای
..
..
..
..
..
شقّ اولوب شقّ القمر تک فرق حیدر کوفه ده
کشتی قرآن و دینه سندی لنگر کوفه ده
..
..
..
..
..
حاصل تَبَّت یَدا فی جیدِها حَبْل المَسَد
کسماقا حبل المتینی چکدی شمشیر حسد
فتنۀ ثور و حملدن غرق خون اولدی اسد
قانه باتدی مسجد و محراب و منبر کوفه ده
..
..
..
..
..
چرخ دوّار فلک سیئرینده غوغا ایلدی
ابن ملجم باء بسم اللهى معنا ایلدی
بیر الف فرق علی دن چکدی اعلا ایلدی
آغلادی کوثر یتوب تثبیته وَانحَر کوفه ده
..
..
..
..
..
ظلمت شبده هواده رعدوبرق اولدی عیان
ابردن بیر شعله چیخدی چون شهاب آسمان
وا اماما ناله سیله دولدی اقطار جهان
اولدی محراب عبادت قانلی بستر کوفه ده
..
..
..
..
..
حوض ایچینده قان نه سرعتله آتار فوّاره دن
قان همان کیفیتیله آتدی بیردن یاره دن
عرش و فرش و مهر و ماه و ثابت و سیاره دن
سس اوجالدى قد قُتِل ساقی کوثر کوفه ده
..
..
..
..
..
اوز ایاقیله قیتدی طور سینادن کلیم
مرتضانین حملینه اما آچیلدی بیر گلیم
بولمورم نه حالدیدی صاحب قلب سلیم
بیر ایله ضعفی عقول ایتمزدی باور کوفه ده
..
..
..
..
..
دست خونین جنایت شد برون از آستین
مرتضانون باشینه اندیردی بیر شمشیر کین
سجده دن باش قالخزا بولموب امیرالمؤمنین
ایلدی فُرْتُ بِرَبِّ الکعبه ازبر کوفه ده
..
..
..
..
..
بوگیجه صبر و تحمل سلب اولوب ایتامدن
گوزلری یولدا خبر یوخ گوردولر اطعامدن
بیوه زنلر ناامید اولدی غذای شامدن
صبح اولونجا قالدی یولدا یاشلی گوزلر کوفه ده
..
..
..
..
..
دکتر حاذق علینون زخمین ایتدی پانسمان
بیر ساری دسمالیله باغلاندی یاره دوردی قان
گل یوزی دسمالیله همرنگیدی چون زعفران
گوردی زینب سسلدی الله اکبر کوفه ده
..
..
..
..
..
زینبون اولسون یارالی باشوه قربان بابا
قانیله ممزوج اولان گوزیاشوه قربان بابا
طاقتیم تک طاقی سینمیش قاشوه قربان بابا
سالدی بو حاله وجودون هانسی کافر کوفه ده
..
..
..
..
..
گوزلرین آچدی علی بیر زینبه سالدی نظر
سسلدی صبر ایت قزیم توکمه عذاره اشک تر
بیر مصیبت نامه یازمیش آدیوه دست قدر
اوّل غمدور باشا سال قاره معجر کوفه ده
..
..
..
..
..
آغلاما قورتارما زینب ایمدی دن گوز یاشوی
اوندا آچ باشون گوررسن نیزه ده قارداشوی
اوندا حقّون وار قزیم محملده یارسان باشوی
قانیله الوان اولار زلف معنبر کوفه ده
..
..
..
..
..
#گریز به #کوفه
..
..
..
..
..
آه او ساعتدن او گوندن زینب بی خانمان
نیزه ده گوردی حسینه داش ووروللار کوفیان
سجده گاهیندن آخان قان آغ محاسندن روان
آیۀ کهفی ولی ایلر مکرر کوفه ده
..
..
..
..
..
عرض ایدوب آننوندا کی پیکانه قربانم حسین
گول دوداقدا لخته لَنمیش قانه قربانم حسین
نوک نیده صوتوه قرآنه قربانم حسین
ویر تسلّی بو سینان قلبه برادر کوفه ده
..
..
..
..
..
دیدیوه گلماقدا قارداش بیرگیجه قالدیم گئجه
الله عالم بو گیجه سنسیز صباح ایتدیم نجه
زینبون ئولسون بویور بس هاردا یاتمشدون گیجه
بس ندن دوشموش خسوفه ماه انور کوفه ده
..
..
..
..
..
کاش آنام زهرا گوریدی نیزه ده معراجوی
بو مقدّس باشداکی قان لخته سیندن تاجوی
آچ گوزون باخ گور فلک سالدی نه حاله باجوی
گزدیروللر زینبی قول باغلی مضطر کوفه ده
..
..
..
..
..
کاش اولیدی بو فنا دنیانی قارداش تار و مار
بیر زمان گلدیم بو شهره عزّتیله باوقار
ایمدی ده قول باغلی عریان ناقه ده مظلوم و خوار
نه سسیمه سس ویرن نه یار و یاور کوفه ده
..
..
..
..
..
ای کریمی ایلدوخ بیجا عزیز عمری تلف
حیف اولا قالدی اورکده شوق دیدار نجف
دورمادوخ اذن دخوله محضرینده صف به صف
نه نجفده فیضه یتدوخ نه مکرر کوفه ده
..
..
..
..
..
#حیدریه #کریمی_مراغه_ای #حییدریه_شهادت #ترکی #زبدةالاشعار