در شهادت حضرت علی (ع)
#گریز به شهادت امام حسین (ع)
.
.
.
#سبک_زینبم_جان_اوستیم (4 سبک سینه و زنجیر تک ضرب )
.
مرحوم ثریا تبریزی
.
محنتون دوتموش جهانی یا امیرالمؤمنین
آغلادور شاه و گدانی یا امیرالمؤمنین
.
.
امر اولوب ویردی یرین پیغمبر رحمت سنه
بیعتون سندیردیلار چوخ ویردیلر زحمت سنه
واقعاً دوزدون دایاندون یتدی هر محنت سنه
بو غمه کیملر دایانی یا امیرالمؤمنین
.
.
ظلمیله اهل ثقیفه قوردولار بیر انجمن
سویلدی شورا ایدن اشخاصیله اوزگه سخن
سوزلری اوزگه نتیجه ویردی بوینوندا رسن
چکدی مسجد ایچره ثانی یا امیرالمؤمنین
.
.
ملجم اوغلی ایستدی ظاهر ایده اوز کینه سین
ئولدوره محراب ایچینده سرّ حق آئینه سین
کافر اولدی بولدوروب اوز کینۀ دیرینه سین
داندی خلّاق جهانی یا امیرالمؤمنین
.
.
ووردی بر ضربت باشوندان قالموب عالمده قرار
روی دنیا تار زلف زینبون تک اولدی تار
تیره گون اولدی هوا یردن گوگه قاخدی غبار
دوتدی غم ارض و سمانی یا امیرالمؤمنین
.
.
عاشق جانبازیدون عالمده الحق یاعلی
سجده گاه حقده باتدون قانه ناحق یاعلی
باشیله اسلامه ویردون گرچه رونق یاعلی
اولمادون اخلار نشانی یا امیرالمؤمنین
.
.
محفل دلداره گئتدون سن باشوندا بیر یارا
فرقی وار سنلن حسینون سن هارا اوغلون هارا
تشنه جان ویردی یارالی اول ذبیحاً من قفا
سو یرینه آخدی قانی یا امیرالمؤمنین
.
.
کربلا دشتینده اوز شأنین حسینون بُولدوروب
سینۀ بی کینیه دگدوقجا اوخلار گُل ووروب
شمریده بیر شرمه باخ پیغمبر اوغلون ئولدوروب
دستگیر ایتدی قالانی یا امیرالمؤمنین
.
.
اهل کوفه ظلمیدن آیا هاچان بس دویدولار
پیکرین گرگان شام و کوفه یکسر سویدولار
نعش پاکین قوملار اوسته اوچ گون عریان قویدولار
اولمادی بیر سایبانی یا امیرالمؤمنین
.
.
بیر اوزوکدن اوتری کسدی بارماقین ابن سلیم
هم سخی اولدی حسین باش ویردی هم اولدی کریم
زینب مظلومیه یوز ویردی اندوه عظیم
گوردی ظلم ساربانی یا امیرالمومنین
.
.
وار یری هرآن #ثریا حشره تک قان آغلاسون
ایلسون صبح و مسا فریاد و افغان آغلاسون
یادگار اولسون بو سوز دیللرده هر آن آغلاسون
محنتون دوتموش جهانی یا امیرالمومنین
.
.
.
.
#حیدریه_شهادت
#حسینیه_شهادت
#محنتون_دوتموش_جهانی_یا_امیرالمؤمنین
#ترکی #ثریا_تبریزی
#زبدةالاشعار
نظر دهید