شیعه لر کرب و بلانی باغ رضوان گورمیشم #کربلا_رضوی_زنجانی

سفر به کربلای معلا
زبانحال شاعر و زائر
#گریز به #عباسیه_شهادت
..
..
..
..
رضوی زنجانی
..
..
..
..
شیعه لر کرب و بلانی باغ رضوان گورمیشم
با صفا صحنین حسینون بیر گلستان گورمیشم
..
جنته فخر ایلیور صحن ابوالفضل و حسین
اول صفالی صحنیلرده نور سبحان گورمیشم
..
بیر طرفده صحن سقادی بهشته وئرمرم
بیر طرفده گورملی بیر صحن سلطان گورمیشم
..
درگه لطف و کرم آچمیش او باب رحمتین
صحنیلر یکسر دولی زوّار و مهمان گورمیشم
..
سسلنور بیر عده مولا جان دولانوق باشیوه
دل دؤنوب قانه آقا بو وصله هجران گورمیشم
..
سسلنور بیر عده زوّاری ائوین آباد حسین
چوخ عنایت ایلدون لطفون هزاران گورمیشم
..
ای عزیز فاطمه جسمین یاراسیندان خبر
شیعه نون گوز یاشینی بو درده درمان گورمیشم
..
سن عنایت ایلدون اولدوق قوناقون نچه گون
چوخ کرم سندن ایا شاه شهیدان گورمیشم
..
لطفیله سن قویمادون دللرده نسگیل لر قالا
عالمه فخر ایلورم که صحنون الآن گورمیشم
..
صحنه که وارد اولور اوّل حبیبون قبریدور
باوفا نوکردی اول مولایه دربان گورمیشم
..
صحن شاهنشاهیده شش گوشه لی بیر قبر وار
عرشه بنزر قبریده انوار جانان گورمیشم
..
سینه سی اوسته گئدوب هوشه علی اصغری
ظلمیله پرپر اولوب چون برگ ریحان گورمیشم
..
حرمله ایله ویروبدی نازک حنجردن بیر اوخ
حنجرون کسدی اولوب قونداقی الوان گورمیشم
..
شهریارون قبری شش گوشه اولوب وار علتی
اکبری پائین پاده جان جانان گورمیشم
..
اکبرین قبرین گورنده گئتدی دیزدن طاقتیم
زیر پاده قبرینی فکر ائتمه آسان گورمیشم
..
فکر ائدیردیم ایندیده زینب دیور ای وای علی
آچ گوزون قدّین حسینون یعنی چوگان گورمیشم
..
زینبین اول یرده بیر محنتلی غملی تلّی وار
اوردا غم غصه اوزون ایلور نمایان گورمیشم
..
زینبیه تلّینون پشت سرینده خیمه گاه
اول مکاندا غصّه نی دریای طوفان گورمیشم
..
کفّ العبّاس که دیولّر کوچه دور الآن اورا
صاق قولی اوردا دوشوبدی اولدوم حیران گورمیشم
..
صاق قولیلا صول قولوندا واردی چوخ کم فاصله
صولدا اول یرده قلمدی دل اولوب قان گورمیشم
..
کیم گلوبدی خیمیه ساری دگیب اوخ مشگینه
مشگین آدیله مزّیندی او میدان گورمیشم
..
باخدی بیر سو مشگینه سو آخدی تپراق اوستونه
گوزلرینده تنگ اولوبدی اول بیابان گورمیشم
..
یوز دولاندیردی خیامه سسلدی ای اصغریم
سو یولی سن گوزله مه مشگیمده پیکان گورمیشم
..
قانیله مشگین سووى الآن دگینمش بیر بیره
دوره دن هی اوخ یاغور وجدانسیز عدوان گورمیشم
..
گلماقا گلمیر یوزوم اخیام مولایه طرف
شهریارین قیزلارین پوزقون لب عطشان گورمیشم
..
من گلنده خردا قیزلار کاسه لر اللرده بوش
تشنه لیقدان اونلارون حالین پریشان گورمیشم
..
بعضی سسلیردی عمو تئز گل علی اصغر ئولور
بیر بئله غمده ربابی دیده گریان گورمیشم
..
فخر ائدیر بو «رضوی» زائرلره قاتدون آقا
سویلیور لطفون سنون مولا دو چندان گورمیشم
..
..
..
..
#کربلا #رضوی_زنجانی #آرزوی_کربلا #زائر_کربلا #ترکی #زبدةالاشعار