زبانحال حضرت سیّدالشّهدا (ع) در بالین شاهزاده علی اکبر(ع)
..
..
مرحوم رجایی تبریزی
..
..
ای کمال حسنده جدّیم نشانی دور گیداخ
دور گیداخ ای لیلنون آرام جانی دور گیداخ
..
..
کربلا عنواننه باشلاندی برنامه بوگون
ایتدوقوم عهد الستی ویردیم اتمامه بوگون
سن کیمی بیر فِدْیه ویردیم دین اسلامه بوگون
سنده سرمشق ایله بو طرز وفانی دور گیداخ
..
..
من بو عهدی ایلموشدوم خالق یکتائیله
کربلا صحراسنه گلدیم همان سودائیله
قیزلاریم آغلار قالوب امّا آنان لیلائیله
خیمه گاهی چولقیوب لیلا فغانی دور گیداخ
..
..
وار یری قان آغلاسام ظلمیله قانه باتموسان
عزّتی ترک ایتموسن دنیانی گوزدن آتموسان
امتحاندان چخموسان نازیله راحت یاتموسان
منده تصدیق ایلرم بو امتحانی دور گیداخ
..
..
قانه غلطان پیکریله خاکه یکسان اولموسان
لیلی مجنون اولماقا بیر یاخشی عنوان اولموسان
وای منه بیر دسته گل تک یرده خندان اولموسان
دولدوروب اوراق گل دشت بلانی دور گیداخ
..
..
باش و جاندان گچموسن وصل نگاره یتماقا
قالموشام حیران بو یورقون پیکری حمل ایتماقا
نیلیوم گلمور یوزوم سن سیز خِیامه گیتماقا
ای آناسی لیلینون روح و روانی دور گیداخ
..
..
.
نیلرم سن اولماسان بو عزّت دنیانی من
بولمورم آیا نجه آرام ایدوم لیلانی من
دلده یارا یوخ گورم بیرده ایله ثَکلانی من
وای اوغول وای دور اونون ورد زبانی دور گیداخ
..
..
اوّلین مقتول نسل هاشمی آچ گوزلرون
گور بو رخساره آخان گوز یاشمی آچ گوزلرون
عرش اعلایه اوجاتدون باشمی آچ گوزلرون
سربلند ایتدون عجب اسلامیانی دور گیداخ
..
..
حقّی وار لیلا سنه هر لحظه هر آن آغلاسون
ذکر ایدوب احوالوی تا جاندا وار جان آغلاسون
باشین آچسون اِرْباً اِرْبا سویله سون قان آغلاسون
شهرتون بو نوعله دوتموش جهانی دور گیداخ
..
..
قوی گوزون قانین سیلیم بو دیده سی گریانی گور
دولدوران ناله سسیمدی عرصۀ میدانی گور
دور دوتوم اَلدن گیداخ بیرده آنان لیلانی گور
سیل اشکی ویردی باده کربلانی دور گیداخ
..
..
ظلم منقذدن آخور شهلا گوزوندن قان اوغول
چوخ ووروب دور اوخ یاراسی فرقۀ عدوان اوغول
خانۀ زنبور تک جسمون اولوب شان شان اوغول
قویمارام یرده قالا بو خسته جانی دور گیداخ
..
..
باشون اوسته اوخشورام بیر شوره گلموش بلبله
سن بولورسن بلبل شوریده نون عشقین گله
من بو احواله قالاندا قورخورام لیلا ئولَه
کشف اولا قلبنده کی سرِّ نهانی دور گیداخ
..
..
اهلبیتم خیمه ده ایمدی قوروب بزم عزا
لیلینی آلموش آرایه عترت آل عبا
قیزلاریم آغلار دِیَر وا اکبرا وا اکبرا
زینب کبری اولوب دور نوحه خوانی دور گیداخ
..
..
خیمه ده آغلار قالوب ایمدی آنان لیلا علی
چولقیوب دشت بلانی آه و واویلا علی
قورخورام میدانه گلسون زینب کبری علی
منتظر قویما قالا آل عبانی دور گیداخ
..
..
اوخ یاراسندان دونوب دور جسم پاکون گلشنه
گوئیا بیر دسته گل خندان اولوب دور دامنه
بو نه حالت دور علی وای زینبه ایوای منه
ای قویان آغلار غمی کون و مکانی دور گیداخ
..
..
اوغلون اکبر جاننه ویّرم قسم جدّا سنی
قبروزون مشتاقیم ذکریم اولوب یالیتنی
بیرده گورسم کربلا یولداشلاری سسلور منی
ای «رجائی» لنگه وورما کاروانی دور گیداخ
..
..
#اکبریه #رجایی_تبریزی #اکبریه_شهادت #ترکی #زبدةالاشعار
نظر دهید