طاووس هل اتی آچوب یثربده بال و پرین #رضویه_مصیبی_تبریزی

سرودمیلاد ضامن آهو
..
..
..
..
..
#سبک_صحرا _صحرا_دویده_ام
..
..
..
..
..
مصیبی تبریزی
..
..
..
..
..
طاووس هل اتی آچوب یثربده بال و پرین
گلزار حیدره سالوب کِلک خالق نظرین
بیت موسا و نجمه دن غوغا آفاقه دوشوب
عرش اهلی صف چکوب گوره باغ عشقین ثمرین
گلشنده طراوته باخ
بو گولده لطافته باخ
گلزار ولاده قوپان
غوغای قیامته باخ
بو بادیه بو ساقیه بو جامه عشق اولسون
امامین اوغلی نائب امامه عشق اولسون
..
..
..
..
..
زیبا و با وقار آدی هر درده مرهم اولار
بیت عصمتده نائب بر حقّ خاتم اولار
رونق دی چون نفس لری عرش و فرش و فلکه
تاثیر دمده همدم عیسی بن مریم اولار
ساقی ده کرامته باخ
بو مِی ده حلاوته باخ
هرکیمسه بو می دن ایچوب
عشقینده صداقته باخ
بو بادیه بو ساقیه بو جامه عشق اولسون
امامین اوغلی نائب امامه عشق اولسون
..
..
..
..
..
قاشلار قاشلار کمانیدور ،گوزلر طاها گوزیدی
سیماسی قرص ماه دور ، عینا ً طاها ئوزیدی
احسنت احسن بو خلقته ایرانه وئردی صفا
خوان موسی بن جعفرین ، هم دادی هم دوزیدی
طلعتده ظرافته باخ
سیماده صلابته باخ
قاشلارعلوی قاشیدی
گوزلرده قیامته باخ
بو بادیه بو ساقیه بو جامه عشق اولسون
امامین اوغلی نائب امامه عشق اولسون
..
..
..
..
..
ای کِلک زرنگار عشق ، ثبت ایله بو سخنی
باخما زهرا عزیزینین ، غربت اولدی وطنی
کیم گلسه خالصانه بو ، درگاهه حاجت آلار
شور عشقیله دویگینن باب شاه زمنی
سائلده کی حاجته باخ
سلطاندا اجابته باخ
فردای قیامتیمیز
سودای شفاعته باخ
بو بادیه بو ساقیه بو جامه عشق اولسون
امامین اوغلی نائب امامه عشق اولسون
..
..
..
..
..