عباس من آی ائلیمون دایاقی #عباسیه_معروف_اهری

بیاتی لار
زبان حال امام حسین بر بالین سقای نینوا
.
✍️ زبدة الاشعار ✍️

?: @nohe_torki
.
ابوالفضل عباسی معروفان
.
عباس من آی ائلیمون دایاقی
دایاقیدون سن منه داغ سیاقی
قولسوز گؤردوم داغ سینمه چکیلدی
دور ایاقه سیل قلبیمدن بو داغی
.
.
علم دوشوب عمود انیب باشوا
مرجان کیمین قان دوزولوب قاشوا
سنین قولون منیم چاره م کسیلیب
من سنه آغلیوم سن قارداشوا
.
.
نفاق اهلی یوللاروی کسیبلر
گؤزل سرویم خوللاروی کسیبلر
نیلمیشدین بو لشگره آی قارداش
نامردلر قوللاروی کسیبلر
.
.
یولوی گوزلیور سوسوز بالالار
بلکه سنین مشکیندن کام آلالار
گوتور مشکی باهم گئدک خیمیه
راضی اولما گؤزی یولدا قالالار
.
.
هیبتیندن دشمنلریم اسردی
قهرمانیم بو نه گؤز بو نه سردی
سالم اگر قئیتسیدون خیمیه
زینب باجیم سنه قربان کسردی
.
.
حق یولونون جانبازیم آی قارداش
غصه لرین دمسازیم آی قارداش
الله سندن راضی اولسون عزیزیم
من که سندن چوخ راضیم آی قارداش
.

#سبک_امید_و_سقای_حرم_اباالفضل
.
#عباسیه_شهادت
#عباسیه_اوخشاما
#اوخشاما
#عباس_من_آی_ائلیمون_دایاقی
#معروف_اهری
#ترکی

✍️ #زبدةالاشعار ✍️

?: @nohe_torki