«تقدیم به محضر حُجّة ابنِ الحَسَن»
.
محمد علی مصیبی تبریزی
.
یابن زهرا شه آزاده فقط سن سن آقا
اون بیرینجی علوی زاده فقط سن سن آقا
.
رونق محفل طاعات و صفای محراب
حرمت تربت و سجّاده فقط سن سن آقا
.
جرعه نوش قدح عشق بیزوخ یابن الحسن
گرمی و ذائقۀ باده فقط سن سن آقا
.
بیز سنی قائم و قدقامت عالم تانیروخ
لطف خلاقی سالان یاده فقط سن سن آقا
.
چوخلاری رهبر ائدوبلر ئوزونه ئوزگه لری
بیزلرین رهبری دنیاده فقط سن سن آقا
.
نه سیاست نه ریاست هانی فریادهانی داد
گتورن شیعه نی فریاده فقط سن سن آقا
.
قطره لرموجه گلنمورهانی وحدت هانی شور
موج ائده ن قطره نی دریاده فقط سن سن آقا
.
برج عشقیمده آقا بدر وجودون یانوری
ماه بدریم شب یلداده فقط سن سن آقا
.
اون بیر اولدوزائلیوب یوسفه رۆیاده سجود
یوسفین سجده سی رۆیاده فقط سن سن آقا
.
لَن تَرانی سنه گلمز اَرِنی گر دیه سن
خالقین جلوه سی سیناده فقط سن سن آقا
.
حیدرین صولتی زهراده کی جرأت سنده
احمدین اوخشاری سیماده فقط سن سن آقا
.
ذوالفقار علوی سنده دی بعد از حیدر
خطّ بطلان چکن اِلحاده فقط سن سن آقا
.
صاحب دم نه مسیحا کی آنان زهرا دی
خلف برحق زهراده فقط سن سن آقا
.
گل ئوزون سینه لره دم یتور ای سرّ حیات
دم وئرن قلبه بو اثناده فقط سن سن آقا
.
چاغیرور داده «مُصَـیّب» سنی گر، علتی وار
اذن حقّیله یتن داده فقط سن سن آقا
.
#مهدیه
#یابن_زهرا_شه_آزاده_فقط_سن_سن_آقا
#مصیبی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید