عزت وئروبدی خالق منان حسین چیه #حسینیه_سیدبشیرحسینی

حسینچی لرین مقامی
..
..
..
سید بشیر حسینی میانجی
..
..
..
عزّت وئروبدی خالق منان حسین چیه
واجب اولوبدی روضه ی رضوان حسین چیه
..
ئولمز حسینون عشقینه کیم مبتلا اولوب
بو رتبه نی وئروب حق سبحان حسین چیه
..
پوشک آتدیلار ازلده فغانیله شادليقا
قسمت اولوبدی ناله و افغان حسین چیه
..
روز الستيدن بویانا تا که حشره جک
دنیا اولوبدی کلبه ی احزان حسین چیه
..
ذرّ عالمنیده آغلاماقی چون قبول ائدوب
احسن دیوب او گون شه عطشان حسین چیه
..
پروانه دور حسین آقانون شمع حُسنینه
حیران قالوبدی شمع شبستان حسین چیه
..
دائم اماندادی ثقلينون مُحِب لری
حصن حصیندی عترت و قرآن حسین چیه
..
باش اگمیوب سلاطینه اگمز ،ئولونجه چون
شیر خدانین اوغلیدی سلطان حسین چیه
..
دردین دئمز طبیب لره اما چوخ آغلیار
گوزدن آخان سرشکیدی درمان حسین چیه
..
واردور یئری یازیلسا قرا پرچمه بو سوز
سکّان فرش و عرش اولا قربان حسین چیه
..
مؤمن وئرنده جان یانینا مرتضی گلر
جان اوسته باش چکر شه مردان حسین چیه
..
اولماز گناهی اولسادا الله باغیشلیار
لطفيله باخسا شاه شهیدان حسین چیه
..
گر دوشسه ناره حشریده واللهی قائلم
الله ائدر او ناری گلستان حسین چیه
..
هر کیم حسینی ایستسه من ایسترم اونی
خاصه کی عاشقم گوزی گریان حسین چیه
..
مشکلده قالسا سسلر اباالفضلی دادینه
چون مشکلی او ایلیر آسان حسین چیه
..
وار نسبتی حسینه «بشیر»ین حسینی دور
الحق کی وار یئری یازا دیوان حسین چیه
..
..
#حسینیه #سیدبشیرحسینی #حسینیه_مدح #ترکی #زبدةالاشعار