یا مهدی
…
محمد هدایتی تبریزی
…
ایاقدان دوشموشم جانان غمینده دویموشام جانه
دوداقه جان یئتیب ال چاتمادی صد حیف جانانه
مریض عشق دور اعضالریم جانان دئیب سزلار
طبیبیم گلمدی وار حاجتیم دارو و درمانه
چکیب زنجیر زلفیله شکسته قلبیمی بنده
اونون زلفیله بند اولسام خوشام عمرومجه زندانه
او لیلا مثلی ناز ائتسه خریدارم منِ مجنون
صف عاقل ده باشدور او ، منم مجنون و دیوانه
منی میخانیه چکدی اونون حُسن دل آراسی
سریر عشقده حاکم اودور ، من عشقه بیگانه
منیم هیهات الیم چاتسین مجعّد زلف دلداره
فقط گوز تیکمشم یارین الینده لطف و احسانه
وقار و دین و ایمان بیر باخیشدا گئتدی یغمایه
ئورک ملکی اولوب غارت داغلدی اولدی ویرانه
اونون قربانیم گلسین قاباقندا گئچیم باشدان
نظر جان اوسته بذل ایتسین محبّتدن بو قربانه
«هدایت» عشقدن دم وورما عشقین حرمتین ساخلا
بلا گلسه نقدر ، عاشق ، بلادن گلمز افغانه
#مهدیه
#ایاقدان_دوشموشم_جانان_غمینده_دویموشام_جانه
#هدایت_تبریزی
#ترکی
نظر دهید