شهادت حضرت امیرالمومنین علیه السلام
#گریز به شهادت حضرت ابوالفضل العباس علیه السلام
✍️ زبدة الاشعار ✍️
🆔: @nohe_torki
حاج داود بیدق داری ( داور )
علی دیلدن دوشوب گلمور صداسی
علیسیز کوفه نون یوخدور صفاسی
طبیب آچدی باشین بهر طبابت
دئدی بو یاره نون یوخدور دواسی
دوشوبدور بستره مولای عالم
یاتوبدور بوگجه باشدا یاراسی
نواده نی کیمین سویلور یتیم لر
ندن گلمور آتاسیزلار آتاسی؟
اوزاقدان سس گلور اغلور ابالفضل
اولوبدور گوزلری اشک آشناسی
گیدوب روح ادب خلوتده آغلار
نه قدری وار ابالفضلین حیاسی
چاغیردی حضرت عباسی مولا
دئدی ای جوش ائدن بحروفاسی
سیزه من بیرگجه مهمانم اوغلوم
علینی ئولدورر فرق دوتاسی
ولیکن دقت ایله بوحدیثه
حدیث عشقدور یوخ انتهاسی
بوعشق معنوی شیریندور اما
مقام امتحاندا وار بلاسی
همیشه یاور اول اوغلوم حسینه
سنه یاراولسون عالملر خداسی
مواظب اول اوغول زینب باجوندان
قاباقدا وار بساط کربلاسی
سفارشدن صورا باغ بهشته
گئدوبدور عاقبت رحمت هماسی
گچوب دور زمان تا کربلاده
حسینون ئولمه میش باشلاندی یاسی
کنار نهره گلدی تشنه سقا
علم ووردی ید مشگل گشاسی
ایکی اوجون سودان دولدوردی اما
دوشوبدور یادینه تشنه آقاسی
دئدی لب ویرمارام یالوارسا دریا
نگاری تشنه گورسم وار صفاسی
سوئی توکدی سو اوسته تشنه قالدی
قویوب عالملری حیران وفاسی
سومشکین دولدوروب دوندی خیامه
گلور عشقیله عشقین مبتلاسی
کمین ائتدی یولوندا فوج دشمن
بو یردن باشلانور غم ماجراسی
هر اوخ گلدی ئوزون وئردی قباقه
پوزولدی مرتضی منظر نماسی
دئدی ای اوخ منه سو آبرودور
گوزومده بو سویون جاندور بهاسی
گل ایندی یئر ویریم یاخشی مکاندا
واریمدور بیرگوزوم اشک آشناسی
بومشکه دگمه گل اگلش گوزومده
بوسودایه وار عباسین رضاسی
ولی پیکان دگوب مشک اولدی پاره
اوجالدی عرشه سقانون نواسی
دئدی الله گیدوب سرمایه م الدن
نظر ایله ابالفضلین خداسی
بلایه من بلی وئردیم ازل گون
رضایم اولسا عشقین هربلاسی
شجاعتلن شهامتلن الهی
گچوب بوبنده نون صبح ومساسی
ولی الان گورورسن شرمسارم
سو گوزلور خیمه ده اصغر آناسی
رضایم ئولمگه عشق اوسته یارب
دوشوب باشدان بودنیانون هواسی
نچونکه عبدصالحدور اباالفضل
یتوب عرشه قبول اولدی دعاسی
زبس اوخ ووردیلار دوشدی یارالی
دوشن ساعت گلوب زهرا صداسی
دئدی گل سینه مه اوغلوم ابالفضل
سن اولدون کربلانون مرتضاسی
بو ایثاره گوره ای تشنه سقا
اولارسان عالمین مشگل گشاسی
یازار #داور ئوزی اغلار الهی
گذشت ایله اگر چوخدور خطاسی
#حیدریه_شهادت
#علی_دیلدن_دوشوب_گلمور_صداسی
#ترکی
✍️ #زبدةالاشعار ✍️
🆔: @nohe_torki
نظر دهید