دفن حضرت فاطمه زهرا (س)
.
✍️ #زبدةالاشعار ✍️
.
🆔: @nohe_torki
.
مرحوم تائب تبریزی
.
مرتضی زهرانی آغلار گوزلی مدفون ایلدی
آغلادی پیغمبری آغلاتدی محزون ایلدی
.
.
ظاهراً دفن ایتدی اول درد و بلا مجروحینی
باطناً تاپشوردی قبره مرتضا اوز روحینی
مُجملاً مدّ نظر قیلدی غم مشروحینی
چشمۀ چشمین یوزونده رشگ جیحون ایلدی
.
.
زار و محزون حالی پوزقون دلشکسته اشکریز
قبره یوز دوتدی خطاب ایتدی او سلطان حجیز
ساخلا پیغمبر عزیزین ای قرا توپراق عزیز
محنت دوران بونی چون غنچه دلخون ایلدی
.
.
بو او زهرادور که مثلین چشم خلقت گورمیوب
اوز آتاسیندان صورا غمدن فراغت گورمیوب
ساخلا آغوشوندا راحت استراحت گورمیوب
درد و محنت یوردی بو مجروحی محزون ایلدی
.
.
سنده مدفون ایلدیم مهر و وفا آئینه سین
بستر ایلردی اوشاقلقدا پیمبر سینه سین
عزتیله ساخلا سینونده حیا گنجینه سین
مرتضی بیر درّ عصمت سنده مدفون ایلدی
.
.
سنده مدفون اولدی گلزار رسالت نوگلی
عصمت کبرای حق پروردگاره سوگلی
قبری اوستونده دوروب گوز یاشلی آغلار بلبلی
بلبلین حالین بو گل هجری دگرگون ایلدی
.
.
سنده مدفون اولدی نخل مهره هسته فاطمه
درد و غملر یورقونی دلزار و خسته فاطمه
قامتی خم قول سنق پهلو شکسته فاطمه
جان بی مثلین فدای ذات بیچون ایلدی
.
.
سنده محنتله اولان بیر قلبی صدپاره یاتوب
ظلم الیندن زلفی آغ اما گوزی قاره یاتوب
عارض نیلی قولوندا سینه ده یاره یاتوب
دردیمی نسگل لری سینمده افزون ایلدی
.
.
اولدی محبوس ملالی روح مجروحیم منیم
تازه لندی هر غم اجمال و مشروحیم منیم
کاش اجل گلسون او غملرله چیخا روحیم منیم
تلخ شیرین عمریمی بو دور گردون ایلدی
.
.
نیلورم دنیانی بیرده دخت طاهادن صورا
آغلو رام بیجا دگول ناموس کُبرادن صورا
قورخورام چکسون حیاتیم طول زهرادن صورا
خوش دوشر گورسم منه حق موتی مقرون ایلدی
.
.
آغلادی قلبین بوشاتدی تاجدار هل أتی
اللری قوینوندا گوزده اشگ تر دلده نوا
مین غمیله رجعت ایتدی منزله اول مقتدا
اودلی قلبین آتش آلامه کانون ایلدی
.
.
وارد اولدی منزله دلده او شه نسگل لری
باشینه جمع ایتدی مهریله پریشان دل لری
رأفتیله بیر به بیر دیندیردی شیرین دیل لری
غم لرین دلدن او شه لطفیله بیرون ایلدی
.
.
حلقۀ ماتم قوروبلار خاطر مهمومیله
یوز یوزه قویدی حسن شاهنشه مظلومیله
بیر طرفده زینب اولدی قول بویون کلثومیله
بیر بیری بیر طرز کشف سرّ مکنون ایلدی
.
.
اگلشوب مأیوس حالیله بلا آماده لر
پای بند درد و محنت اولدولار آزاده لر
آغلادی شه شاهه باخدی آغلادی شهزاده لر
درج چشمین گوهر اشگیله مشحون ایلدی
.
.
کثرت غمدن ایتیرمیشدی بالالار اوزلرین
شه آلاردی تک به تک دلدن یانقلی سوزلرین
گه اؤپردی دیندیرردی گه سیلردی گوزلرین
روح زهرانی اؤزوندن شاد و ممنون ایلدی
.
.
هاردا قالموشدی گلیدی بو امام نشأتین
اوندا که یانموش چادردا قالدى اطفال حسین
آج سوسوز یورقون پریشان یوزلرینده اشگ عین
بختی وارون اونلاری بو چرخ وارون ایلدی
.
.
#فاطمیه_تائب_تبریزی
#فاطمیه_شهادت
#مرتضی_زهرانی_آغلار_گوزلی_مدفون_ایلدی
#ترکی
.
✍️ #زبدةالاشعار ✍️
.
🆔: @nohe_torki
نظر دهید