غرق اولدی قانه کوفه ده مسلم الهی #مسلمیه_ذاکر_هشترودی

شهادت حضرت مسلم (ع)
..
..
..
سبک اصلی … #سبک_یا_فاطمه_من_عقده_دل_وا_نکردم
سبکهای دیگر :
#سبک_ای_درد_بی_درمانلارا …
#سبک_مستان_همه_افتاده_و_ساقی_نمانده
#سبک_ای_کربلانون_تشنه_لب_قربانی_قاسم
واگیر : ((ناله ائدیر ارض و سما … عالم اولوب ماتمسرا … مظلوم آقام وای ))
..
..
..
ذاکری هشترودی
..
..
غرق اولدی قانه کوفه ده مسلم الهی
دورین آلوب بیردن او گون کفرون سپاهی
یالقوز قالوبدور/رحم ایلین یوخ
غربت ولایت/یاره وران چوخ
..
..
..
..
سیف بنی هاشم اله شمشیرین آلدی
هر کیم گلوبدور جنگینه تپراقه سالدی
سرکرده لر گورجک اونی حیرتده قالدی
یالقوز قالوبدور/رحم ایلین یوخ
غربت ولایت/یاره وران چوخ
..
..
..
..
جنگه گلنلر تپراقا فوری یخیلدی
چون پهلوانلار گوردیلر صفدن چیخیلدی
عباسی بیردن سسلدی قلبی سیخیلدی
یالقوز قالوبدور/رحم ایلین یوخ
غربت ولایت/یاره وران چوخ
..
..
..
..
صاقدان ویرور خنجر گلن صولدان ویرور داش
نه رحم ایدن وار بیر نفر نه یار و یولداش
نه وار یانیندا یاوری نه بیرجه قارداش
یالقوز قالوبدور/رحم ایلین یوخ
غربت ولایت/یاره وران چوخ
..
..
..
..
یالقوز قالوبدور بیر نفر میدان ایچینده
گوزلر دولوبدور قانیلن عدوان ایچینده
طوفانه دوشموش کشتیسی آلقان ایچینده
یالقوز قالوبدور/رحم ایلین یوخ
غربت ولایت/یاره وران چوخ
..
..
..
..
مسلم غمی آغلاتدی یارب بو جهانی
آخر کمنده سالدیلار اول قهرمانی
چوخ یاره دگدی یاره لردن آخدی قانی
یالقوز قالوبدور/رحم ایلین یوخ
غربت ولایت/یاره وران چوخ
..
..
..
..
یاز حضرت مسلم غمین «ذاکر» قان آغلا
مظلوم اولوبدور کوفه ده یادوندا ساخلا
روز شهادت دور باشا بیر قاره باغلا
یالقوز قالوبدور/رحم ایلین یوخ
غربت ولایت/یاره وران چوخ
..
..
..
..
#مسلمیه #ذاکر_هشترودی #ترکی #زبدةالاشعار