زبدةالاشعار

قالوب عرش اهلی حیرتده حسینون امتحانیندن #حسینیه #محمد_وهابزاده

جلوات عرفان و مکالمه عبد و معبود و التفات به قتلگاه سیدالشهدا علیه السلام
.
✍️ #زبدةالاشعار ✍️
.
🆔: @nohe_torki
.
محمد وهابزاده (عیّار) اردبیلی
.
قالوب عرش اهلی حیرتده حسینون امتحانیندن
نئجه گور پیشواز اولدی حسین ئوز میزبانیندن
سه شعبه تیری چکدی جوش ائدوب فوّاره قانیندن
نه سُست اولدی اَلی نه دیزلری گورسنمه دی لرزان
تمامِ دستگاهِ آفرینش اولدیلار حیران
.
.
اَزل گوندن بئله بیر حادِثاتی گورمیوب خلقت
بشر عاجزدی تحلیلینده هر قدر ایلسه دقت
اونون اَسرارینه تسلیم اولوبدور علمیلن حکمت
تخیّل کُورپی سیندن کِئچ قلم چات دشتِ ایثاره
کفن اگنونده غسل ائت نَفسیلن چیخ قانلی پیکاره
.
.
حسین جهد ایلدی تا دولت عشقه بقا وئرسین
پوزا بنیانِ ظلماتی گلوب اصغر فدا وئرسین
گرک مستضعفین اندیشه سین بو قان جلا وئرسین
قیام عشقیده بو جسمیمه خوشدور یاغا پیکان
سوکولموش سینه دن آوایِ لبیکی آلا جانان
.
.
مراحل بیر به بیر کئچدی یتیشدی وقت جانبازی
قالوبدی یکّه و تنها ئولوب سردار و سربازی
آلان عاشق ساتان عاشق ، نتیجه عشقین اعجازی
عجب بیع و شَراء نی ثبت ائدوبدی محضر جانان
سند بیر سینۀ صدپاره دور، بیر حنجر عطشان
.
.
بو وسعت مُلک دنیادن چوخور یر انتخاب اولدی
حسین مامور حرّیّت بو اَمره انتصاب اولدی
همان سنگرده حضرت خون سبحانه خضاب اولدی
او هانسی قاندی شریانِ حسینده اولدی شور افزا
که اون دورت قرنیدور جوش ایلیوب هر ایل ائدور غوغا
.
.
همان قاندور او قان که ائتدی ویران کاخ طاغوتی
همان قاندور او قان که آغلادوبدور اهل لاهوتی
همان قاندور او قان که جبرئیل اولموشدی مبهوتی
قیزیل قان شهپر جبریلیده معراج ائدوب عرشه
همان قاندور که او قان کی کربلاده سیغمادی فرشه
.
.
تمام علم و دانش کربلاده گنگ و حیراندی
اگر وار مُدّعی فکر ایتمه سون برنامه آساندی
او یان یوزمین، بو یان یتمیش ایکی دریای ایماندی
اویاندا آلماسا دیناری گلمز سمتِ میدانه
بو یاندا سینه لر عطشاندیلار اوچ شعبه پیکانه
.
.
او دَم که شمرِ جاهل قتلگهده مُستقر اولدی
حسینی گوردی مست سجده دور دَرّنده تر اولدی
چیخاندا بی ادب عرش خدایه چوخ خطر اولدی
عجایب صوتِ ناله خوفه سالدی دشمنون هنگین
دوشوب تاخیره اَمرِ قتل مولا مرحله سنگین
.
.
نئچه قاتل روان اولدی یهود و مُسلِم و ترسا
امامین قدرتیندن اولدیلار آگه دوشوب غوغا
نه عالَم گوردولر که چیخدی یاددان دهر و ما فیها
یهودی و مسیحی بو آغیر ننگی قبول ائتمز
خلافت غصب ائدن زهرا وئران گور اوغلون ئولدورمز ؟
.
.
تلاطم دوتدی افلاکی تمرکز دن چیخوب ارکان
حجاباتی کنار ائتدی ملیک المقتدر بیر آن
دئدی اَرنی دئمه، رَبّون سَنی قاندا گورور غلطان
بیر آندا کهکشان و نظم بالا قالدی سِیریندن
کواکب تیره دور اما ایکی گون گورسنوب بیردن
.
.
حسین تقدیرینه تسلیم اولوبدی عالَمِ ذرده
یازوب ذات اَحد بو قانه قیمت لوح و دفترده
بیلینمَز خون بهاسی ثارِ سبحان وار او رگلرده
بویوردی شاهرگدن ویر سن ای شمشیر برق آسا
منیم قانیملن اولسون دین احمد تا ابد احیا
.
.
یتیشدی وعدۀ پایان اولوبدی وصلَ آماده
وئروب قالمیش متاعین حنجرِ عطشانی جلاده
ولی احمد ئوپن حنجر کسیلمز تیغِ فولاده
دئدی ملعون قفادن کس آنام زهرا منی گوزلر
باشیم سرنیزه شوقینده بیر آیری انقلاب ایستر
.
.
.
#حسینیه #محمد_وهابزاده
#حسینیه_شهادت
#قالوب_عرش_اهلی_حیرتده_حسینون_امتحانیندن
#ترکی

.
✍️ #زبدةالاشعار ✍️
.
🆔: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی