ای شه کربلا حسین زینبون ئولدی شامه گل #زینبیه_حضرتی_ناعمی

زبانحال حضرت زینب سلام الله علیها
.
✍️ زبدة الاشعار ✍️
.
🆔: @nohe_torki
.
علیرضا #حضرتی_ناعمی
.
#سبک_واردی_باشیمدا_یا_حسین
#سبک_ای_حرمینه_ناز_ائدن
#سبک_عطری_گلور_محرمون و …
.
.
ای شه کربلا حسین زینبون ئولدی شامه گل
دوتماقا یاس باباحسین زینبون ئولدی شامه گل
گل حسین۲گل ئولور زینبون
.
.
چرخ زمانه دهریده ایلدی مضطر عمه می
باشینه یاغدی غصه لر یوردی دلاور عمه می
کرببلا مصیبتون ئولدوروب آخر عمه می
قدّی اولوب دوتا حسین زینبون ئولدی شامه گل
.
.
وار یئری عابدینوین گوزیاشی هی دولوب داشا
زینب زارین حالینه سس قوشا یئرگوی آغلاشا
ماتمون ای غریب آتا وئرمدی بیر ایلی باشا
قلبی دونوب قانا حسین زینبون ئولدی شامه گل
.
.
عمم ئولنده صورته ایلدی جاری گوزیاشین
اوخشاماسی الولادی آی بابا قلبیمون باشین
اولمادی لااقل بیری یدّی وفالی قارداشین
ئولدی دیلینده یاحسین زینبون ئولدی شامه گل
.
.
بو گجه بیلموشم بابا دردلره دلده سدّی وار
غصه لری نه قدریدیرغملرینون نه مدّی وار
جسمیده زینب عمه مین ایندیده قمچی ردّی وار
آغلیارام آتا حسین زینبون ئولدی شامه گل
.
.
درده گتوردی هرزمان درد ومصیبت عمه می
سالدی توان و تابیدن تیر شماتت عمه می
بو گجه داروی اجل ایلدی راحت عمه می
دردی تاپوب دوا حسین زینبون ئولدی شامه گل
.
.
یاس دوتارام بوگون باشیمه باغلارام بابا
نوحه ائدوب ملالیلن عالمی داغلارام بابا
عمرونی یکسر آغلیان عمه مه آغلارام بابا
ایلیرم نوا حسین زینبون ئولدی شامه گل
.
.
.
#زینبیه_شهادت
#ای_شه_کربلا_حسین_زینبون_ئولدی_شامه_گل
#ترکی
.
✍️ #زبدةالاشعار ✍️
.
🆔: @nohe_torki