شهادت حضرت مسلم (ع)
..
مرحوم مضطر اردبیلی
..
..
قدم قویوب او زماندان که عرصۀ جنگه
گتوردی خشمیله بیر شهرون اهلینی تنگه
..
گوروبله اولموری دوتماق او غیضلی شیری
ظهوره گتدیله بیر نوعی حیله تزویری
..
یولینون اوسته قوئی قازدیلار نچه یردن
وریلدى حکم یریش اوستنه اونون بیردن
..
ایدوبدی حمله سپاهه او سرور بی یار
خیال مکریله دشمن قباقدان ایتدی فرار
..
ئوزین وروبدی شجاعتله قوم بدخواهه
ایاقی گیتدی یخلدی یول اوسته بیر چاهه
..
کمند آتان اوخ آتان داش وران عدو یکسر
ارایه آلدی اونی چون نگین انگشتر
..
او قدری وردیلا آخرده سالدیلار دلدن
هجوم ایدوبله آلوبلار قلنجینی الدن
..
آچوبلا طعنه دلی سینه سینی داغلادیلار
جسارتیله قباقجان قولینی باغلادیلار
..
کشان کشان آپارورلار یارالی سرداری
ورا ورا هارا دار الاماریه ساری
..
زیادون اوغلی اولوبدور مرادینه نائل
ویروبدی امر ایدون مجلسه اونی داخل
..
حسین نائبی اول مجلسه قویاندا قدم
تکبّریله زیاد اوغلی گلدی غیضه او دم
..
عقیلون اوغلی نچون ویرمدون سلام منه
سبب ندور ایلدون نقض احترام منه
..
بیوردی بس ایله ظالم دانشما افسانه
سلامی شخص ویرر مؤمنه مسلمانه
..
هنوز من گورورم خصم آل حیدرسن
یوخوندی بهرۀ اسلام، محض کافرسن
..
دینمرم نجه ظلمینده ایلدی طغیان
او یادگار عقیلون آخوب یوزیندن قان
..
بو نوعی گورمیوب هیچ کس جفانی عصرینده
کسیلدی باشی او دارالاماره قصرینده
..
جنازه سی آتیلوب قصریدن اشاقه طرف
نجفده بو غمه گلدی فغانه شاه نجف
..
..
..
..
#مسلمیه #مضطر_اردبیلی #ترکی #زبدةالاشعار
نظر دهید