در شهادت حضرت علی (ع)
.
✍️ #زبدةالاشعار ✍️
.
🆔: @nohe_torki
.
حاج مهدی ملکی زنجانی
.
کوفه ده قلجلانوبدی مظهر عدالت الله
ظلمیله باتوبدی قانه کان استقامت الله
اغلور اهل بیتی یکسر
نالیه گلوب یتیملر
.
.
.
دست کینه وعداوت حمله ایلدی امامه
قانیله بویاندی محراب دشمنی چاتوبدی کامه
آغلور اهل کوفه یکسر بو امام با مرامه
قانه کوفه ده باتوبدی معدن صداقت الله
اغلور اهل بیتی یکسر
نالیه گلوب یتیملر
.
.
.
داغدار اولوبدی شیعه حجت خدا یخلدی
کوفه ده نمازین اوسته شاه لا فتا یخلدی
زینب اولدی غرق ماتم معدن وفا یخلدی
نوش ایدوب امام معصوم شربت شهادت الله
اغلور اهل بیتی یکسر
نالیه گلوب یتیملر
.
.
.
یارو یاور یتیمان قانه غرق اولوب الاهی
اهل بیت شاه مردان غصدن صولوب الاهی
عون وفضل و جعفر آغلور گوزلری دولوب الاهی
بالخصوص آغلور عباس اول یل رشادت الله
آغلور اهل بیتی یکسر
نالیه گلوب یتیملر
.
.
.
سس دوشوبدی کوفه شهرین دوتدی غصه وغم الله
اهل بیتی مرتضانین اولدی غرق ماتم الله
شیعه لر غمی غم اوسته اولدی گور نه مدغم الله
بحر قانه غرق اولوبدی کشتی هدایت الله
اغلور اهل بیتی یکسر
نالیه گلوب یتیملر
.
.
.
عرشیان بوغمده یکسر اولدولار غمین خدایا
وردی فرق مرتضایه یاره اهل کین خدایا
عالم اولدی غرق محنت آغلار اهل دین خدایا
بستری اولوبدی حیدر دیزده یوخدی طاقت الله
اغلور اهل بیتی یکسر
نالیه گلوب یتیملر
.
.
.
.
گوییا ایدوبلر احساس اولدی محشر اهل دینه
بالا اخص غم اوز ویروبدی قلب زینب حزینه
قانه غرق ایدوبدی شیر کردگاری دست کینه
عالم اولدی غرق ماتم اغلور ی جماعت الله
اغلور اهل بیتی یکسر
نالیه گلوب یتیملر
.
.
.
لرزه دوشدی کایناته یارلندی فرق حیدر
جبریل آچوبدی باشین شیون ایلدی ملک لر
وار یری بوغمده دایم داغدار اولا اوکلر
شهرکوفه ده اولوبدی گور نجه قیامت الله
اغلور اهل بیتی یکسر
نالیه گلوب یتیملر
.
.
.
مرتضایه غفلتیله حمله ایتدی ابن ملجم
بوخبردن اولدی یکسر شهر کوفه غرق ماتم
قدسیان فغانه گلدی عرشه وردی قاره پرچم
جان ویروبدی ظلم الیله صاحب کرامت الله
اغلور اهل بیتی یکسر
نالیه گلوب یتیملر
.
.
.
.
قانه غرق اولوبدی مولا گلدی انبیا فغانه
تیغ کینه ایتدی یاران فرق حیدری نشانه
قانیله دولوبدی محراب مرتضا باتوبدی قانه
کوفه ده ایدوبدی دشمن ظلم بی نهایت الله
اغلور اهل بیتی یکسر
نالیه گلوب یتیملر
.
.
.
.
مهدی شیون ایله سنده آغلا شاه لا فتا یه
کوفه ده نمازین اوسته یاره دگدی مرتضایه
عرش وفرش ونه سمانی بو یارا سالوب عزایه
ابن ملجم مرادی ایلدی جنایت الله
اغلور اهل بیتی یکسر
نالیه گلوب یتیملر
.
.
#حیدریه_ملکی_زنجانی
#حیدریه_شهادت
#کوفه_ده_قلجلانوبدی_مظهر_عدالت_الله
#ترکی
.
✍️ #زبدةالاشعار ✍️
.
🆔: @nohe_torki
نظر دهید