قلبیم اود دوتوب متصل یانیر آتش جفادن اوغول جواد #رضویه_دلپاک

زبانحال امام رضا (ع)
به فرزند بزرگوارشان امام جواد (ع)
..
..
..
#سبک_ساخلا_ناقه_می و … ( 8 سبک سینه و زنجیر ) … گل اتاقی بیر خلوت ایلیاق … گئتمرم دایان گئتمه ساربان … نقش من چرا … و …
..
..
..
رضا غلامپور(دلپاک)
..
..
..
قلبیم اود دوتوب متّصل یانیر
آتش جفادن اوغول جواد
تنگنای غمده توان آلیر
زهر آتان رضادن اوغول جواد
..
..
..
..
باعث بو رنج و مشقّتیم
ظلم الیله افکار کینه دور
پیک دیده مین اصل مقصدی
غربت ایچره سمت مدینه دور
سوز صحبتین باعثی بوگون
غربتیمدی نه اودلی سینه دور
غربت ایچره اولمور کنار اورک
بیر دم ابتلادن اوغول جواد
..
..
..
..
تا دلینده بیر کینه پرورین
کامل اولدی امر شقاوتی
صفحهٔ وجودومده بی امان
ثبت ائدوب بو پوزقون حکایتی
محفل جفاسیندا غیظیله
ائیلین زمان بو جسارتی
شرم نه پیمبردن ائیلدی
نه حیا خدادن اوغول جواد
..
..
..
..
کلک غم ز بس کی یازیب دوتوب
نقش غصّه قاب خیالیمی
گرچه صاحب محنتم ولی
بیر غم آرتیریبدور ملالیمی
سن یتیم اولورسان اُؤدور بئله
نسگیلون پوزوب غملی حالیمی
گرچه واقفم وار سنه مدد
حیّ کبریادن اوغول جواد
..
..
..
..
سن شمیم گلزار حقّیسن
هم سنه عیاندی بو هم منه
هر مشام آلا عطریوی بولر
منتصبدی عطرون بو گلشنه
سجده ده زمانِ عبادتون
تا نسیم رحمت دئیر سنه
آلّام عطریوی منده صبح دم
قاصد صبادن اوغول جواد
..
..
..
..
گورموسن نه نوعی خزان وورار
گلشنه دوشن لحظه هر گلی
دسته دسته گللر توکر یئره
سولدورار هامی یاس و سنبلی
بیر خزان ووران یاسه بنزیرم
کیم سالیب غمیم درده بلبلی
بلبلونده من تک کچیب داخی
دردی هر دوادن اوغول جواد
..
..
..
..
درد هر غریبه عیاندی کی
جان وئرن زمان کیم دوا وئرر
کیم قالا غریبین خیالینه
روز محشر اجرین خدا وئرر
دردینه دوا آشناسیدی
کی صفاسی قلبه صفا وئرر
منده بیر غریبم ولی خبر
یوخ بیر آشنادن اوغول جواد
..
..
..
..
گل دئمم بو مأوای الفته
من غریبه بیر آغلا گئتگیلن
یا کی اودلی آهیله بی امان
قلب عالمی داغلا گئتگیلن
یوخدی بیر کسیم بو دیاریده
گوزلریمی گل باغلا گئتگین
بیرده گل یوزون دوشمه میش گوروم
گوزلریم ضیادن اوغول جواد
..
..
..
..
طالب حقیقت گر ایستسه
حاجتی اولا حقّیدن روا
بی گلایه اولسون گرک اونی
سالسادا حصاره غم و بلا
من حقیقت محضه واقفم
بی گلایه هر درده آشنا
خوشدی گلسه هر درد و غم منه
عالم بلادن اوغول جواد
..
..
..
..
گر چه جبر جبّار عصریله
دل مجابیدور رنج غربته
لیک آتا بالالوخ محبّتی
خوش دلیلدور سرّ وحدته
گل گوروم سنی جان وئرن زمان
نچّه لحظه بزم محبّته
چکمز اهل وحدت ئولونجه ال
شیوهٔ وفادن اوغول جواد
..
..
..
..
اهل درد اولان دردیدن دئیر
دردیدن گلر خسته دل دله
دردینی چکر ایستمز دوا
درده دردیدن ایلمز گله
درد عشقیدور کی گلیب بئله
بستر وجودیمده دینجله
نقص عشق اولار شِکوه گورسنه
درده مبتلادن اوغول جواد
..
..
..
..
ائیستسم سنه من تانیتدیرام
باطن بو بی رحم دشمنی
بیر بو خصلتی بسدی گر دئسم
غرق بحر محنت ائدر سنی
باخ نفاقه باخ مکر و حیلییه
زهریله ایاقدان سالیب منی
معتکف اولوب مسجد غمه
کثرت ریادن اوغول جواد
..
..
..
..
صون نفسده ای منشأ کرم
وار سنه آتاوین سفارشی
امر حاجت اوستونده بیر کسه
بو سفارشون چوخدی ارزشی
چاتماقا مرامه محبّیمیز
قوی مقام اجرایه بو ایشی
گل گلنده دلپاکه آل صله
شاه کربلادن اوغول جواد
..
..
..
..
#رضویه #دلپاک #رضویه_شهادت #ترکی #زبدةالاشعار