استمداد حضرت ابوالفضل(ع)
..
..
..
..
محمدحیدری امندی
..
..
..
..
ماه منیرین یخلیب گَل حسین
چولده وزیرین یخلیب گَل حسین
یالقوز امیرین یخلیب گل حسین
یار شهیرین یخلیب گل حسین
یاره لی شیرین یخلیب گَل حسین
..
..
..
..
لطف ائله سن ایندی ننم گلدی گَل
گوردی بو میداندا تکم، گلدی، گل
تازه منیم جسمیمه دم گلدی گل
قوللاری خصم ائتدی قلم گلدی گل
توپراقا بو قانلی علم گلدی گل
دست قدیرین یخلیب گل حسین
..
..
..
..
غصه لی قلبیم داریخار گلمَسَن !
قلبیمی غم دستی سیخار گلمسن
تندن اودور روح چیخار گلمسَن
عشق عَلَمین خصم ییخار گلمسن
ایندی منه کیم یولوخار ،گلمسن
خسته دبیرین یخلیب گل حسین
..
..
..
..
گَل تیکیلیب قانلی یولا گوزلریم
گه باخوری ساقه، صولا گوزلریم
گه ساتاشور قانلی قولا گوزلریم
قویما داها قانه دولا گوزلریم
گَل بئله قربانین اولا گوزلریم
یارو نصیرین یخلیب گل حسین
..
..
..
..
گلمیشیدیم سو گتیرم اصغره
تا سو وئرم اُول قورویان لبلره
مشکه دَییب اوخ سوجالاندی یئره
یئر گویی آغلاتدی بو بیر منظره
حسرتم ایندی بو دوشن اللره
یاورِ دیرین،یخلیب گل حسین
..
..
..
..
هر نه اولام یارِ وفاداریوام
سن آقا ،من نوکرِ درباریوام
ایندی ولی قولسوز علمداریوام
منتظرم عاشق دیداریوم
یاره لی اولسامدا گئنه یاریوم
یار مشیرین ییخلیب گل حسین
..
..
..
..
ویردیلار اوخ جاندا توان قالمادی
لحظه ی دیداره زمان قالمادی
گلمگه اخیامه گمان قالمادی
هامّی اوخ آتدی،اوخ آتان قالمادی
تِئز گل ابالفضلیده جان قالمادی
شیر دلیرین یخلیب گل حسین
..
..
..
..
#عباسیه #محمدحیدری #عباسیه_شهادت #ترکی #زبدةالاشعار
نظر دهید